Match TV-ის კომენტატორები: ,,შესაძლოა, კაპიტნის სამკლავური სიმბოლურია და ხვიჩა რუბინს ტოვებს"

რუსეთის პრემიერლიგის 22-ე ტურში მოსკოვის ცსკა-მ ყაზანის რუბინს უმასპინძლა და ანგარიშით - 6-1 დაამარცხა.

საწყისი 26 წუთის შემდეგ ცსკა 4:0-ს იგებდა, 38-ე წუთზე ხვიჩა კვარაცხელიას შედეგიანი შემდეგ კონსტანტინ კუჩაევმა ანგარიში შეამცირა.

აღსანიშნავია, რომ ამ მატჩში რუბინის კაპიტანი ხვიჩა კვარაცხელია იყო. Sofascore-მა ქართველ ტალანტს 5,8 დაუწერა, მისი თანაგუნდელების უმრავლესობას კი მასზე მაღალი შეფასება აქვს.

საინტერესო იყო პირდაპირი რეპორტაჟის მიმდინარეობისას Match TV-ის კომენტატორების განცხადება, რომელიც ქართველი გულშემატკივრისთვის იმედისმომცემია:

ხვიჩას გუნდს ბოსნიას წინააღმდეგ ამხნაგური შეხვედრა აქვს ჩანიშნული. ფეხბურთელი საქართველოს ეროვნულ ნაკრებშია გამოძახებულია, ეს კი სანაკარებო პაუზამდე ბოლო მატჩია.  არ არის გამორიცხული, რომ ამ შეკრების შემდეგ ხვიჩა ყაზანში აღარ დაბრუნდეს. შესაძლოა, კაპიტნის დღევანდელი სამკლავური სიმბოლურია.

შეგახსენებთ, რომ საქართველოს ეროვნული ნაკრები 25 მარტს სტუმრად, ბოსნია-ჰერცეგოვინას დაუპირისპირდება, ხოლო 29 მარტს, ასევე სტუმრად, საერთაშორისო ამხანაგურ შეხვედრას ალბანეთის წინააღმდეგ, ტირანაში გამართავს.

რაც შეეხება ხვიჩას, რამდენიმე დღის წინ, იტალიურმა მედიამ დაწერა, რომ ქართველი ფეხბურთელით ნაპოლია დაინტერესებული. ადგილობრივ წყაროებზე დაყრდნობით, საუბარი ქართველი ფეხბურთელის დროებით გაფორმებაზე არ მიდის და იტალიურ გუნდს მისი გადაბირება ზაფხულში სურს, რათა მომდევნო სეზონში კვარაცხელიას იმედი ჰქონდეს.