''იმედი გვაქვს, მოედანს სწრაფად დაუბრუნდება'' - კიტეიშვილს მყესი გაუწყდა
გრაცის ''შტურმის'' ქართველ ფეხბურთელს, ოთარ კიტეიშვილს მაქსიმუმ 3 თვე გაუცდება. CrystalSport-ის ცნობით ფეხბურთელმა კოჭის მყესი გაიწყვიტა, მას ოპერაცია ჩაუტარდება და სავარაუდოდ მინდორს 2-3 თვეში დაუბრუნდება. მნიშვნელოვანია რამდენად სწრაფად ჩაივლის ტრავმის მოშუშებისა და რეაბილიტაციის პროცესი. აქედან გამომდინარე, ზუსტი დროის განსაზღვრა რთულია, თუმცა ექიმთა პროგნოზით მაქსიმუმ 3 თვეში მოედანზე უნდა ვიხილოთ.
CrystalSport-ის ცნობით, ფეხბურთელს ოპერაცია ლაპარასკოპიით ჩაუტარდება. სავარაუდოდ, ოპერაციას ავსტრიაში გაუკეთებენ.
Kiteishvili suffered a rupture of the syndesmosis ligament in his right ankle on thursday against PSV. Per my sources, he will miss 2-3 months, he needs surgery on an ankle injury.
— Dima Shariqadze (@shariqadzedima) October 1, 2021
Sky Sport Austria: ''Schock für Sturm Graz''https://t.co/6GDjn1Cuav pic.twitter.com/zgIhTgAWth
''შტურმის'' სპორტულმა დირექტორმა ანდრეას შიკერმა კლუბის ოფიციალურ ვებგვერდთან ქართველის შესახებ ისაუბრა.
''ოთარი ჩვენი გუნდის შეტევით ხაზში ერთ-ერთი მნიშვნელოვანი მოთამაშეა. იმედი გვაქვს, ოპერაცია კარგად ჩაივლის და მოედანს სწრაფად დაუბრუნდება''.
ფეხბურთელმა ტრავმა ევროპა ლიგაზე პსვ-სთან მატჩში მიიღო, რის გამოც მინდორი 82-ე წუთზე დატოვა.
25 წლის ქართველმა ნახევარმცველმა მიმდინარე სეზონში ''შტურმის'' მაისურით 14 შეხვედრა ჩაატარა, 4 გოლი გაიტანა და 4 საგოლე პასი შეასრულა.
