თანამშრომლობის მემორანდუმი - სპორტის ფონდი საქართველოს ფარგლებს გასცდა

სპორტის ტურიზმისა და ახალგაზრდობის საერთაშორისო ფონდის დელეგაცია საქმიანი ვიზიტით ეწვია ესპანეთის დედაქალაქ მადრიდს, სადაც  ფონდსა და გაეროს მსოფლიო ტურიზმის ორგანიზაციას (UNWTO) შორის ურთიერთგაგების მემორანდუმი გაფორმდა.

მემორანდუმის თანამშრომლობის სფეროები მოიცავს:

თანამშრომლობის გაძლიერებას სპორტისა და სპორტული ტურიზმის სფეროებში მდგრადი განვითარებისა და გაეროს SDG მიზნების მიღწევისთვის;

სპორტული ტურიზმის განვითარებას ფიზიკურ აქტივობებში ჩართვისა და ურთიერთობების ხელშეწყობის მიზნით;

სპორტის, ტურიზმის, საგანმანათლებლო და ახალგაზრდობის სფეროებში პროექტებისა და პროგრამების ხელშეწყობას;

ახალგაზრდებში ჯანსაღი ცხოვრების წესის ხელშეწყობას, მათი საგანმანათლებლო და სპორტულ პროგრამებსა და პროექტებში ჩართვას;

სპორტის, ტურიზმის, განათლებისა და ახალგაზრდობის სფეროებში საერთაშორისო თანამშრომლობის ხელშეწყობას;

მემორანდუმს ხელი ფონდის მხრიდან, პრეზიდენტმა, ტარიელ ხეჩიკაშვილმა, ხოლო UNWTO მხრიდან, გენერალურმა მდივანმა, ზურაბ პოლოლიკაშვილმა მოაწერეს.

UNWTO ტურიზმის სფეროში წამყვანი საერთაშორისო ორგანიზაციაა და ხელს უწყობს ტურიზმის განვითარებას, როგორც ეკონომოკური ზრდის, ინკლუზიური განვითარებისა და გარემოს მდგრადობის მამოძრავებელ ძალას.

აღნიშნულ ორგანიზაციასთან თანამშრომლობა ფონდის საქმიანობის სამომავლო განვითარებისთვის უმნიშვნელოვანეს ნაბიჯს წარმოადგენს. ფონდის მიზანია სპორტის, ტურიზმისა და ახალგაზრდობის მიმართულებით პროექტებისა და პროგრამების ხელშეწყობა.

შემოუერთდით ჩვენს Facebook ჯგუფს საგოლე გადაცემა