ქართველმა ძალოსნებმა ახალგაზრდულ ჩემპიონატზე სამი მედალი მოიპოვეს
პერუში მიმდინარე 17 და 20-წლამდე ძალოსანთა მსოფლიო ჩემპიონატზე საქართველოს ნაკრების ორი წევრი გამოვიდა და მედლის მოპოვება ორივემ შეძლო.
საქართველოს 17-წლამდელთა ნაკრებს პირველი მედალი დიმიტრი აბრალავამ მოუტანა, ძალოსანმა ვერცხლის მედალი მოიპოვა.
20-წლამდელთა შორის გიგა ოდიკაძემ იყოჩაღა. ძალოსანმა ატაცისა და ორჭიდის ბრინჯაოს მედლები მოიპოვა.
დღეს 20-წლამდე ძალოსანთა მსოფლიო ჩემპიონატზე საქართველოს ნაკრებიდან ლევან ოჩიგავა (81 კგ.) იასპარეზებს.
