"რეალის" ქამბექი და დაბრუნებული ლიდერობა
ესპანეთის ჩემპიონატში 24-ე ტურის ერთ-ერთი გამორჩეული შეხვედრა "ვილიარეალსა" და მადრიდის "რეალს" შორის ჩატარდა.
ზიდანის გუნდმა მატჩი ძალიან ცუდად დაიწყო და პირველ ტაიმში ფაქტობრივად არაფერი გაუკეთებია. ხოლო მეორე ნახევრის სტარტზე 2 ბურთი გაუშვა და თავი ურთულეს სიტუაციაში ჩაიგდო.
თუმცა ამის შემდეგ, მადრიდელებმა აშკარად მოუმატეს, რის შედეგადაც, ბეილმა, რონალდუმ და მორატამ 3 გოლი შეაგდეს და გუნდს უმნიშვნელოვანესი გამარჯვება მოუტანეს.
ამ მოგებით მადრიდის "რეალმა" ლიდერობა დაიბრუნა და "ბარსელონას" გაასწრო. სხვაობა ერთი ქულაა, თუმცა სამეფო კლუბს ერთი მატჩით ნაკლები აქვს ჩატარებული.
