"სიგიჟეა" - დურანტი და ტომასი მესის კონტრაქტზე
მას შემდეგ, რაც ლეო მესის ახალი კონტრაქტის დეტალები გასაჯაროვდა, ხელშეკრულებაში არსებულ რიცხვებს დიდი გამოხმაურება მოჰყვა.
ამჯერად, „ლა პულგას“ კონტრაქტის ნახვის შემდეგ, თავიანთი რეაქცია NBA-ს ვარსკვლავებმაც გამოხატეს.
„ბრუკლინ ნეტსის“ ლიდერმა კევინ დურანტმა სოციალურ ქსელში მესის კონტრაქტის დეტალები გააზიარა და დააწერა: „სიგიჟეა“.
Insane https://t.co/B8LQpmZl5e
— Kevin Durant (@KDTrey5) June 30, 2021
როგორც მოგეხსენებათ, მესი 5 წლის განმავლობაში 555 მილიონ ევროს მიიღებს. თავად დურანტს კი „ნეტსთან“ 4-წლიანი კონტრაქტი აქვს, რომლის თანახმადაც „კეიდი“ 164 მილიონ დოლარს მიიღებს.
„ნიუ ორლეან პელიკანსის“ გამთამაშებელი აიზია ტომასი ამ ფაქტს ასე გამოეხმაურა: „ღმერთო ჩემო. ჩემი შვილები ფეხბურთზე უნდა შევიყვანო. ჰა ჰა ჰა“.
OMG. I gotta put my kids in Futbol lol https://t.co/SofUGhPrVe
— Isaiah Thomas (@isaiahthomas) June 30, 2021
ამ მომენტისთვის ლეოს ოფიციალურად კონტრაქტზე ხელი არ მოუწერია, თუმცა ხელშეკრულების მიხედვით არგენტინელი „ბარსელონაში“ 2 წლით დარჩება, შემდეგ აშშ-ი გაემგზავრება და „ბლაუგრანას“ ელჩი გახდება. ითამაშებს, თუ არა MLS-ის რომელიმე კლუბში ჯერჯერობით უცნობია.
კატალონიელთა პრეზიდენტის ჟოან ლაპორტას თქმით, მესისთან ახალ კონტრაქტზე ხელის მოწერას ლა ლიგს ფეარ-პლეის წესი აფერხებს.
