საკალათბურთო კლასიკა - დურანტის რეკორდი საკმარისი არ აღმოჩნდა, მილუოკიმ სტუმრად მოიგო
„მილუოკი ბაქსი“ აღმოსავლეთ კონფერენციის ფინალში გავიდა. იანის ანტეტოკოუნმპოს გუნდმა მე-7 შეხვედრაში „ბრუკლინ ნეთსი“ დაამარცხა და მისი მომდევნო მეტოქე „ფილადელფიასა“ და „ატლანტას“ შორის საუკეთესო იქნება.
The @Bucks defeat Brooklyn 4-3 and advance to the #NBAECF presented by AT&T! #NBAPlayoffs #ThatsGame pic.twitter.com/0Pfnt6AoFI
— NBA (@NBA) June 20, 2021
„ბრუკლინისა“ და „მილუოკის“ მე-7 შეხვედრა ნამდვილი საკალათბურთო კლასიკა იყო. ორივე გუნდის ლიდერებმა წარმატების მისაღწევად მაქსიმუმი გაიღეს და გამარჯვებულის გამოსავლენად ოვერტაიმი დაინიშნა. შეხვედრის დასრულებამდე 1 წუთით ადრე, „მილუოკი“ 4 ქულით იგებდა, თუმცა კევინ დურანტის ორი უმნიშვნელოვანესი სროლის შემდეგ, „ნეთსმა“ წონასწორობა აღადგინა - 109-109.
Khris Middleton came up HUGE in the @Bucks Game 7 win, knocking down the late go-ahead jumper in OT! #ThatsGame
— NBA (@NBA) June 20, 2021
???? 23 PTS
???? 10 REB
???? 6 AST
???? 5 STL
Milwaukee advances to the #NBAECF presented by AT&T... they will play the winner of ATL/PHI. #NBAPlayoffs pic.twitter.com/jtxsFvPMUy
დამატებითი დრო „ბრუკლინის“ 2-ქულიანით დაიწყო, თუმცა დარჩენილ 4 წუთსა და 39 წამში „ნეთსმა“ ქულა ვერ დააგროვა, „მილუოკი“ კი იანის ანტეტოკოუნმპოსა და კრის მიდლტონის 2-ქულიანებით წინ გაიჭრა და საბოლოოდ 115-111 იმარჯვა.
A FANTASTIC GAME 7 FINISH... relive the best plays down the stretch as the @Bucks outlasted Brooklyn in an OT thriller! #ThatsGame
— NBA (@NBA) June 20, 2021
Milwaukee advances to the #NBAECF presented by AT&T... they will play the winner of ATL/PHI. #NBAPlayoffs pic.twitter.com/TLSjhqGV5v
„მილუოკის“ 40 ქულით, 13 მოხსნითა და 5 შედეგიანი გადაცემით იანის ანტეტოკოუნმპომ ულიდერა. „გრიკ ფრიკი“ NBA-ის ისტორიაში მე-5 კალათბურთელია, რომელმაც მე-7 შეხვედრაში მინიმუმ 40 ქულა და 10 მოხსნა დააგროვა. მიდლტონს 23 ქულა, 10 მოხსნა და 6 შედეგიანი გადაცემა ჰქონდა. ბრუკ ლოპესი 19 ქულით გამოირჩა, ხოლო ჯრუ ჰოლიდეი 13 ქულას დასჯერდა.
„ბრუკლინის“ რიგებში 48 ქულით საუკეთესო კევინ დურანტი იყო. „კეიდიმ“ NBA-ის ისტორიაში პლეიოფის მე-7 შეხვედრაში ყველაზე მეტი ქულა ჩააგდო, თუმცა ეს საკმარისი მაინც არ აღმოჩნდა. ამასთან, დურანტი მე-3 კალათბურთელი გახდა, რომელმაც მინიმუმ 40 ქულა დააგროვა და მე-7 შეხვედრაში არც ერთი წამით დაუსვენია. „კეიდი“ ჯერი უესტსა და ოსკარ რობერტსონს შეუერთდა და აღსანიშნავია, რომ სამივე მათგანმა მე-7 შეხვედრა წააგო.
WHAT A GAME 7 DUEL between @Giannis_An34 & @KDTrey5 as the @Bucks prevailed in an OT thriller! #ThatsGame
— NBA (@NBA) June 20, 2021
Giannis: 40 PTS, 13 REB, 5 AST
KD: 48 PTS, 9 REB, 6 AST
Milwaukee advances to the #NBAECF presented by AT&T... they will play the winner of ATL/PHI. #NBAPlayoffs pic.twitter.com/FQCy51skFj
„კეიდის“ 22 ქულით ჯეიმს ჰარდენი დაეხმარა, თუმცა „წვერამ“ 17-დან მხოლოდ 5 ბურთი და 12-დან 2 სამქულიანი ჩააგდო. ბლეიკ გრიფინს 17 ქულა ჰქონდა, ხოლო ბრიუს ბრაუნი 14 ქულას დასჯერდა.
შეგახსენებთ, რმ „მილუოკის“ მეტოქის ვინაობა 21 ივნისს, თბილისის დროით 04:00-ზე ჩანიშნულ შეხვედრაში გაირკვევა.