პირველად კონფერენციის ფინალში - კლიპერსის სასწაული და ტერენს მენის გმირობა
„ლოს ანჯელეს კლიპერსი“ დასავლეთ კონფერენციის ფინალში გავიდა. ტაირონ ლუს გუნდმა „იუტა ჯაზთან“ სასწაული მოახდინა და „ჯაზმენებს“ კავაი ლეონარდის გარეშე ზედიზედ მეორე შეხვედრა მოუგო 131-119.
Onward. pic.twitter.com/bqw6j8DPzs
— LA Clippers (@LAClippers) June 19, 2021
მესამე მეოთხედის სტარტზე „კლიპერსი“ 25 ქულით აგებდა, თუმცა თამაში შემოატრიალა და ისტორიული გამარჯვება მოიპოვა. ბოლო 25 წლის განმავლობაში იმ შეხვედრებში, რომლებშიც „იუტას“ მინიმუმ 25-ქულიანი უპირატესობა ჰქონდა, „ჯაზმა“ 232-ჯერ იმარჯვა და მხოლოდ ერთხელ დამარცხდა. ამასთან, „კლიპერსი“ მე-6 ნომრად განთესილი მე-6 გუნდია, რომელიც კონფერენციის პირველ ნომერთან წაგებული საწყისი 2 მატჩის შემდეგ (7-თამაშიანი სერია იგულისხმება) მომდევნო ეტაპზე მაინც გავიდა და სათქმელია ისიც, რომ „კლიპერსი“ დასავლეთ კონფერენციის ფინალში საკუთარ ისტორიაში პირველად ითამაშებს.
BATUM FOR 3.
— NBA (@NBA) June 19, 2021
40-12 @LAClippers RUN.
STAPLES CENTER IS ROCKING. #ThatsGame pic.twitter.com/zR175MGCYM
ყველასთვის მოულოდნელად, „კლიპერსის“ ლიდერის როლი ტერენს მენმა შეითავსა. ამ უკანასკნელმა კარიერის საუკეთესო მატჩი ჩაატარა და 39 ქულა, 2 მოხსნა და 2 ჩაჭრა დააგროვა. მენმა მესამე მეოთხედში 20 ქულა ჩააგდო, რაც „კლიპერსის“ საპლეიოფო რეკორდია. ტერენსს მხარი პოლ ჯორჯმა აუბა, რომელმაც 28 ქულა, 9 მოხსნა და 7 ასისტი დააგროვა. რეჯი ჯექსონი 27 ქულასა და 10 ასისტს დასჯერდა, ხოლო ბატუმმა და ბევერლიმ 16 და 12 ქულა დააგროვეს.
Reggie Jackson: 23 PTS, 8 AST
— NBA (@NBA) June 19, 2021
Terance Mann: 36 PTS@LAClippers up 5 with 7 minutes left in Game 6 on ESPN and a chance to advance to the WCF. #NBAPlayoffs pic.twitter.com/yhE7p1kiFV
„იუტას“ რიგებში 39 ქულით, 9 მოხნითა და 9 ასისტით დონოვან მიჩელი გამოირჩა. როის ონილმა 21 ქულა და 10 მოხსნა გაიფორმა. ჯორდან კლარკსონი 21 ქულას დასჯერდა, ხოლო ბოგდანოვიჩმა და გობერმა 14 და 12 ქულა მიითვალეს.
DONOVAN.
— NBA (@NBA) June 19, 2021
FROM.
DEEP.
He's up to 6 threes in G6 on ESPN ???? pic.twitter.com/hIRMAgeexX
შეგახსენებთ, რომ „კლიპერსი“ კონფერენციის ფინალში „ფინიქს სანსს“ შეხვდება.