„ყოველთვის კლასის ბოლოში ვიჯექი და ხმა არასდროს ამომიღია“ - დემბელემ ოქროს ბურთზე ისაუბრა

საფრანგეთის ლიგა 1-ის მე-4 ტურში, „პარი სენ-ჟერმენი“ სტუმრად „ბრესტს“ დაუპირისპირდა და მინიმალური სხვაობით, 1:0 დაამარცხა. ერთადერთი გოლი მე-5 წუთზე ფერან ტორესმა უსმან დემბელეს ასისტით გაიტანა.

შეხვედრის დასრულების შემდეგ დემბელემ განვლილი მატჩი შეაფასა და 2026 წლის ოქროს ბურთის დაჯილდოებაზეც ისაუბრა.

რა თქვა დემბელემ:

3 რთული მატჩი ჩავატარეთ. მნიშვნელოვანი იყო აქ, ბრესტში ჩამოსვლა და გამარჯვების მოპოვება. რთული მეტოქეა. უკვე ჩემი მეოთხე წელია და მათთან თამაში ყოველთვის რთული იყო. კარგად თამაშობენ, ლუდოვიკ აჟორკი ბურთს კარგად იჭერს და პრობლემებს გვიქმნის. დღეს კარგი მატჩი იყო.

„ლე კლასიკი“? დიდი მატჩი იქნება. მახსოვს, შარშან „მარსელში“ ეს თამაში გამოვტოვე. ეს ყოველთვის განსაკუთრებული დაპირისპირებაა, პარკ დე პრენსზე იქნება ეს თუ „მარსელში“ - იქაც მშვენიერია. ცხელი ატმოსფერო იქნება და მოუთმენლად ველით.

ფერან ტორესი? ერთმანეთს „ბარსელონადან“ ძალიან კარგად ვიცნობთ. მასთან ერთად წელიწად-ნახევარი, ორი წელი ვითამაშე. ის ძალიან მობილური თავდამსხმელია, ნამდვილი ბომბარდირი, ნამდვილი „ცხრიანი“. ფლანგზე თამაშიც შეუძლია. მასთან ერთად თამაში მარტივია, სივრცეებში ძალიან კარგად იხსნება. მე კი, რადგან მცველების ზურგს უკან პასების კეთება მიყვარს, მის მოძებნას მარტივად ვახერხებ. ერთმანეთთან ბევრს ვსაუბრობთ, ასე ძალიან მარტივია.

ყოველთვის ასეთი ვიყავი. მუდამ კლასის ბოლოში ვიჯექი და ბევრს ვშრომობდი. მთელი ჩემი კარიერის განმავლობაში სიტყვაც არ დამიძრავს, უბრალოდ ძალიან ბევრი ვიშრომე. არასდროს ვყოფილვარ რჩეული, მაგრამ ბევრს ვმუშაობდი. გასულ წელს პსჟ-სთან ერთად გატარებული ფანტასტიკური წლის გამო დავჯილდოვდი. ვნახოთ, ყოველგვარი წნეხის გარეშე.

4 ტურის შემდეგ პსჟ ლიგა 1-ის სატურნირო ცხრილში 5 ქულით მე-7 პოზიციას იკავებს და მომდევნო შეხვედრას 20 აპრილს, სტუმრად „მარსელის“ წინააღმდეგ გამართავს.