13 ქულა, 3 სამქულიანი - გოგას შესანიშნავი თამაში და ინდიანას მორიგი მარცხი
გოგა ბითაძის „ინდიანა პეისერსი“ ბოლო 3 შეხვედრაში მეორედ დამარცხდა. ქართველი კალათბურთელის გუნდმა NBA-ში საუკეთესო შედეგის მქონე „იუტა ჯაზის“ წინააღმდეგობა ვერ დაძლია და შესანიშნავი სტარტის მიუხედავად, მაინც წააგო.
„ინდიანამ“ პირველი ტაიმი საუცხოოდ ჩაატარა, 69 ქულა ჩააგდო და დიდ შესვენებაზე 13-ქულიანი უპირატესობით გავიდა, თუმცა მეორე ნახევარში მრისხანე მოწინააღმდეგეს ვერაფერი დაუპირისპირა. დონოვან მიჩელის ტრავმის მიუხედავად, „იუტა“ გადამწყვეტ მომენტებში მეტოქეზე ბევრად უკეთ გამოიყურებოდა და საბოლოოდ, 119-111 იმარჯვა.
გოგამ ჩინებულად ითამაშა და თავის გუნდში ერთ-ერთი საუკეთესო იყო. ბითაძემ პარკეტზე მხოლოდ 12 წუთი და 25 წამი გაატარა, თუმცა ეს დრო მისთვის 13 ქულის, 4 მოხსნისა და 1 ჩაჭრის დასაგროვებლად საკმარისი აღმოჩნდა. 21 წლის ცენტრმა 2-დან 1 ორქულიანი, 4-დან 3 სამქულიანი და 2-დან 2 საჯარიმო ჩააგდო. ბურთი 2-ჯერ დაკარგა და 3 პერსონალური ფოლი მიიღო
Goga Bitadze is a man on a mission today.
— Bally Sports Indiana (@BallySportsIN) April 16, 2021
TV: Bally Sports Indiana
Stream: https://t.co/ThkuQF4wOT#AlwaysGame pic.twitter.com/tFtrxoCEOc
„ინდიანას“ რიგებში გოგაზე მეტი ქულა მხოლოდ კარის ლევერტს - 24, დომანტას საბონისსა - 22 და მალკოლმ ბროგდონს - 16 ჰქონდათ. „იუტას“ კი 24 ქულით ბოგდანოვიჩმა ულიდერა. მიჩელმა 22 ქულა გააკეთა, ხოლო გობერის ანგარიშზე 13 ქულა და 23 მოხსნა იყო.
No one worries about Bitadze at the arc #PacersJazz pic.twitter.com/UPc6v60R6Q
— J. Michael (@ThisIsJMichael) April 16, 2021
„ჯაზთან“ წაგების შემდეგ, „ინდიანას“ 26 მოგება და 29 მარცხი აქვს. „პეისერსი“ მომდევნო შეხვედრას 18 აპრილს გამართავს და „ატლანტა ჰოუქსს“ გაეჯიბრება.