დაცემული ჩემპიონი ! - ლივერპულის ისტორიული ანტირეკორდი
იურგენ კლოპის ''ლივერპული'' ძალიან არასტაბილურად ასპარეზობს. ''მერსისაიდელებმა'' უკანასკნელი ხუთი საშინაო მატჩი დათმეს, რაც Opta Joe-ს ვერსიით კლუბის ისტორიაში პირველად მოხდა. ასეთი რამ ''ლივერპულის'' ისტორიაში არასდროს არც ერთ ტურნირზე არ დაფიქსირებულა. ეს პირველი შემთხვევაა და კლოპის გუნდმა აღნიშნული ხუთი საშინაო მატჩი პრემიერ ლიგაში წააგო.
5 - Liverpool have lost five consecutive home games (league and all comps) for the first time in their history, while they're also the first reigning English top-flight champion to lose five home league games in a row. Nosedive. pic.twitter.com/Rg25S3pmC0
— OptaJoe (@OptaJoe) March 4, 2021
ასევე, ''ლივერპული'' პირველი გუნდია, რომელმაც ინგლისის მოქმედი ჩემპიონის რანგში ზედიზედ 5 საშინაო შეხვედრა დათმო. გერმანელი სპეციალისტის გაწვრთნილი გუნდი დამარცხდა ''ბარნლისთან'' (0:1), ''ბრაიტონთან'' (0:1), ''მანჩესტერ სიტისთან'' (1:4), ''ევერტონთან'' (0:2) და ''ჩელსისთან'' (0:1).
''ლივერპულმა'' 27 ტურში 43 ქულა მოაგროვა და პრემიერ ლიგაში მე-7 ადგილზეა.
პრემიერ ლიგისგან განსხვავებით ინგლისის ჩემპიონი ჩემპიონთა ლიგაზე წარმატებულად ასპარეზობს. კლოპის გუნდმა მერვედფინალში სტუმრად ''ლაიფციგი'' დაამარცხა (0:2). საპასუხო შეხვედრა 11 მარტს შედგება.
