ზაფხულის ტოპ 10 ტრანსფერი - შენგელია მეორეა
Eurohoops.net-მა ევროპულ კალათბურთში, მიმდინარე ზაფხულში გაჩარხული 10 საუკეთესო ტრანსფერი დაასახელა. გასაკვირი არაა, რომ სიაში თორნიკე შენგელიაც მოხვდა, რომელმაც რამდენიმე დღის წინ, საკუთარი მომავალი მოსკოვის ცსკა-ს დაუკავშირა.
ამჟამინდელი კლუბი: ცსკა
ყოფილი კლუბი: ბასკონია
კონტრაქტი იწურება: 2023 წელი
2019-20 წლების სეზონის სტატისტიკა: 15.9 ქულა, 2.9 შედეგიანი გადაცემა, 5.6 მოხსნა
Top 10 summer moves #EuroLeague
— Eurohoops (@Eurohoopsnet) July 13, 2020
Milutinov, Delaney, Calathes and morehttps://t.co/zgW05bKzSz
„ესპანეთის ჩემპიონობის მოპოვების შემდეგ, შენგელიამ ბასკონია დატოვა და კარიერა მოსკოვის ცსკა-ში გააგრძელა. ბასკური კლუბის ყოფილი ლიდერი ახალი გამოწვევისთვის ემზადება და დიმიტრის იტუდისის გუნდში კიდევ ერთი ახალწვეული იქნება“, - წერს Eurohoops შენგელიას შესახებ.
ცნობილი ვებგვერდის მიერ შედგენილ სიაში თორნიკე შენგელია მეორე ადგილზე იმყოფება. პირველი პოზიცია კი, ნიკოლა მილუტინოვის ტრანსფერს უკავია. სერბი ცენტრი თოკოს თანაგუნდელი იქნება და „ოლიმპიაკოსში“ გატარებული 5 წლის შემდეგ, ცსკა-ში იასპარეზებს.
