პირველი დიდი ტრანსფერი პანდემიის შემდეგ - პსჟ-მ იკარდი გამოისყიდა
პანდემიის პერიოდში პირველი ოფიციალური ტრანსფერიც შედგა - პსჟ-მ მაურო იკარდის ხელშეკრულებაში არსებული პუნქტი გამოიყენა და არგენტინელი „ინტერიდან“ საბოლოოდ გამოისყიდა.
1 წლიანი იჯარის შემდეგ, პარიზელებმა იკარდი 60 მილიონ ევროდ გაიფორმეს. მაურო ფრანგულ კლუბთან 4 წლიან კონტრაქტს გააფორმებს.
Mauro Icardi s'engage au Paris Saint-Germain jusqu'au 30 juin 2024.
— Paris Saint-Germain (@PSG_inside) May 31, 2020
Le Paris Saint-Germain est heureux d’annoncer la levée de l’option d’achat de @MauroIcardi. L’attaquant de 27 ans était prêté en 2019-2020 par l’Inter Milan.
პანდემიიდან გამომდინარე „ინტერმა“ პსჟ-ს თხოვნა გაითვალისწინა და ტრანსფერს 10 მილიონი ევრო დააკლო.
27 წლის არგენტინელი პარიზულ კლუბს კარგად მოერგო და 31 მატჩში 20 გოლის გატანა შეძლო. მისმა კარგმა თამაშმა ედინსონ კავანის გუნდიდან გაშვება პრაქტიკულად გადაწყვიტა.
შეგახსენებთ, რომ საფრანგეთის ლიგა 1-ის 2019-2020 წლების გათამაშება კოვიდ-19-ის გამო გაუქმდა, რასაც ადგილობრივი კლუბები არ ეთანხმებოდნენ. ბოლო ინფორმაციით, ჩემპიონთა ლიგის მეოთხედფინალში მყოფმა პსჟ-მ და სხვა გუნდებმაც სახელმწიფოსგან ამხანაგური მატჩების გამართვის ნებართვა მიიღეს.
