სილვამ მაკგრეგორი გამოიწვია - კონორი თანახმაა
UFC-ის ყველა დროის ერთ-ერთმა საუკეთესო მებრძოლმა, ანდერსონ სილვამ კონორ მაკგრეგორთან ჩხუბის სურვილი გამოთქვა. 45 წლის „ობობამ“ ირლანდიელი სოციალურ ქსელებში გამოიწვია.
„კონორით, როგორც დიადი ათლეტით აღფრთოვანებული ვარ და მიმაჩნია, რომ ჩვენი სუპერბრძოლა შერეული ორთაბრძოლებისთვის ისტორიული მოვლენა იქნება. ჩვენ დასამტკიცებელი არაფერი გვაქვს. დარწმუნებული ვარ UFC-სა და MMA-ის გულშემატკივრებს სურთ შერეული ორთაბრძოლების დიადი შოუ იხილონ. შერეულ ორთაბრძოლებში ჩემი შესაძლებლობების მის წინააღმდეგ გამოცდა ფანტასტიკური იქნებოდა“, - განაცხადა სილვამ „ინსტაგრამის“ საკუთარ გვერდზე გამოქვეყნებულ პოსტში.
კონორ მაკგრეგორმა სილვას სოციალურ ქსელებში უპასუხა და ლეგენდარული „ობობას“ გამოწვევა მიიღო.
I accept. https://t.co/HYqF132EvZ
— Conor McGregor (@TheNotoriousMMA) May 28, 2020
TMZ-ის ინფორმაციით, კონორის თანხმობის მიუხედავად, ჯერ გადაწყვეტილი არაფერია. დეინა უაითმა მაკგრეგორის სამომავლო გეგმებზე საუბრისას რამდენჯერმე განაცხადა, რომ არიან მებრძოლები, რომლებსაც უფრო დიდი პრიორიტეტი ენიჭებათ.
აღსანიშნავია, რომ სილვა მაკგრეგორს 176.37(79.9 კგ) ფუნტამდე წონით კატეგორიაში სთავაზობს ჩხუბს.