ძიუდოს ევროპის ჩემპიონატი ნოემბერში გაიმართება
ევროპის ძიუდოს კავშირმა (EJU) კორონავირუსის პანდემიის გამო გადავადებული 2020 წლის ევროპის ჩემპიონატის ჩატარების ახალი ვადები დაადგინა.
კერძოდ, ძიუდოისტთა ევროპის ჩემპიონატს წლეულს 8-10 ნოემბერს პრაღის O2 Arena მიიღებს. გადავადებული ჩემპიონატის წინასწარი თარიღი აპრილში გამოცხადდა, ახლა კი EJU-ს და მასპინძლებს შორის მოლაპარაკებების შედეგად, თარიღი საბოლოოდ შეთანხმებულია.
ამასთან, კონტინენტის პირველობა ტოკიოს ოლიმპიური თამაშებისთვის საკვალიფიკაციო სტატუსს ინარჩუნებს.
თავდაპირველი გრაფიკით, კონტინენტის პირველობა 1-3 მაისს ასევე პრაღაში უნდა ჩატარებულიყო.
