აგვისტომდე ჩოგბურთის გარეშე - ATP-ისა და WTA-ის განცხადება

საჩოგბურთო სამყაროში კორონავირუსის პანდემიის გამო გამოწვეული პაუზა კიდევ ერთხელ გახანგრძლივდა. ATP-ისა და WTA-ის განცხადებით, პროფესიონალური ჩოგბურთი 31 ივლისამდე არ დაგვიბრუნდება.

ATP-მ საკუთარ ვებგვერდზე ოფიციალური განცხადება გამოაქვეყნა, რომელშიც ორგანიზაციის ხელმძღვანელმა, ანდრეა გაუდენციმ საზოგადოებას მიღებული გადაწყვეტილება ამცნო.

„Covid-19-ის პანდემიის გარშემო შექმნილი ბუნდოვანი მდგომარეობის გამო, გაუწყებთ, რომ პაუზა დიდი ვადით გახანგრძლივდება. ჩვენ ჩოგბურთის გულშემატკივრების, ჩოგბურთელებისა და ტურნირების ორგანიზატორების მსგავსად იმედგაცრუებულნი ვართ შექმნილი ვითარება ტურზე ასეთ გავლენას რომ ახდენს“.

The ATP has extended the suspension of the ATP Tour through to July 31, 2020 due to the ongoing #COVID19 pandemic.

More info ????

— ATP Tour (@atptour) May 15, 2020

გაუდენცის შემდეგ, გულშემატკივრებს WTA-ის წარმომადგენელმაც მიმართა და განაცხადა: „ვწუხვართ ასე, რომ მოხდა, მაგრამ გარწმუნებთ, რომ ექიმებთან და ექსპერტებთან მუშაობას გავაგრძელებთ, რათა WTA-ის განახლება მოხერხდეს. გადაწყვეტილებებს ტურნირების განახლებასთან დაკავშირებით, ივნისში მივიღებთ“.

WTA events in Bastad, Lausanne, Bucharest, and Jurmala scheduled for July will not be held, due to the ongoing #COVID19 pandemic.

Further updates to the WTA calendar will be made in June --> https://t.co/NmWpZVk5Fu pic.twitter.com/vtERM8jgc7

— wta (@WTA) May 15, 2020

შეგახსენებთ, რომ წესითა და რიგით პაუზა 13 ივნისს უნდა დასრულებულიყო, თუმცა კორონავირუსის პანდემიის გამო, ATP-მ და WTA-მ კორტებზე დაბრუნების თარიღი გადაწიეს.