32 ქულა და MVP! შენგელიას მორიგი საოცარი თამაში ესპანეთში!
ესპანეთის ლიგა ენდესას 22-ე ტურში „ბასკონიამ“ „ფუენლაბრადას“ სტუმრად 98:92 სძლია და ამაში უდიდესი წვლილი თორნიკე შენგელიას მიუძღვის, რომელმაც მორიგი საოცარი შეხვედრა ჩაატარა.
ქართველმა კალათბურთელმა 32 ქულა და 13 მოხსნა, 5 გადაცემა და 3 ჩაჭრა მიითვალა, მისი მარგი ქმედების კოეფიციენტი კი 44-ს გაუტოლდა!
⭐ @TokoShengelia23, elegido Jugador del Partido en la app oficial de la acb
— Liga Endesa (@ACBCOM) February 29, 2020
???? Montakit @BFuenlabrada ???? Kirolbet @Baskonia
3️⃣2️⃣ puntos
1️⃣3️⃣ rebotes
4️⃣4️⃣ valoración#LigaEndesa pic.twitter.com/2cgUWc0VRQ
ტურის საუკეთესო მოთამაშის ტიტულისთვის შენგელია მთავარ ფავორიტად ითვლება.
თოკომ 14-დან 8 ორქულიანი, 5-დან 3 სამქულიანი და 11-დან 7 საჯარიმო ჩააგდო. 13-დან 9-ჯერ ბურთი საკუთარ ფარზე მოხსნა, ხოლო 4-ჯერ მეტოქის ფარზე. რა თქმა უნდა, ქართველი შეხვედრის MVP გახდა.
შეხვედრა საკმაოდ დრამატული და დაძაბული გამოდგა და გამარჯვებულის ვინაობა დამატებით ტაიმში გამოვლინდა. ამ მოგების შემდეგ „ბასკონიას“ ესპანეთის ჩემპონატში უკვე 11 გამარჯვება აქვს და 22 ქულით მე-10 ადგილზე იმყოფება, გუნდი საპლეიოფო ზონისთვის იბრძვის. მომდევნო ტურში ვიტორიელები გიორგი შერმადინის „ტენერიფეს“ უმასპინძლებენ.