69-ე All Star - შეცვლილი ფორმატი, დაძაბული ფინიში და ლებრონის გუნდის გამარჯვება
ნაციონალური საკალათბურთო ასოციაციის რიგით 69-ე ALL STAR, რომელიც ჩიკაგოში გაიმართა, ლებრონ ჯეიმსის გუნდის გამარჯვებით, 157-155 დასრულდა. შეხვედრა საინტერესო და დაძაბული გამოდგა და თამამად შეგვიძლია განვაცხადოთ, რომ შეცვლილმა ფორმატმა გაამართლა.
მატჩის სტარტზე უპირატესობას ჯეიმსის გუნდი ფლობდა. „მეფემ“ და კომპანიამ პირველი მეოთხედი 53-41 მოიგეს და საქველმოქმედო ორგანიზაციებისთვის გამოყოფილი 100 000 დოლარი დაისაკუთრეს.
მეორე თორმეტწუთეული იანის ანტეტოკოუნმპოს გუნდის კარნახით წარიმართა. კავაი ლეონარდის ბრწყინვალე თამაშის მიუხედავად, რომელმაც პირველ ტაიმში 7 სამიანი ჩააგდო და 25 ქულა დააგროვა, „გრიკ ფრიკის“ გუნდმა მეორე მეოთხედში 51-30 იმარჯვა და შესვენებაზე 9-ქულიანი უპირატესობით გავიდა.
LBJ with the fake into the SLAM! #TeamLeBron
— NBA (@NBA) February 17, 2020
????: #NBAAllStar on TNT pic.twitter.com/2mgXHVrPQA
მესამე მეოთხედი თანაბარ ბრძოლაში წარიმართა, გუნდებმა 41-41 ქულა ჩააგდეს და გაირკვა, რომ გამარჯვების მოსაპოვებლად 157-ქულიანი ნიშნულის მიღწევა იყო საჭირო.
FANTASTIC FINISH to end the 3Q in a 41-41 tie!#TeamGiannis leads #TeamLeBron 140-133 in the 4th Q.
— NBA (@NBA) February 17, 2020
FINAL TARGET SCORE: 157 pic.twitter.com/odL1b6aZSe
ანტეტოკოუნმპოს გუნდი 9 ქულიან უპირატესობას ფლობდა, მაგრამ „მეფემ“ და კომპანიამ თამაშში დაბრუნება და წინ გასვლა მოახერხეს. საბოლოოდ გამარჯვებულის ბედი ენტონი დევისმა გადაწყვიტა. ანგარიში 156-155 გახლდათ, როცა კაილ ლოური „ეიდის“ წინააღმდეგ დაჯარიმდა და ჩიკაგოში დაბადებულ კალათბურთელს ორი სროლის განხორციელების უფლება მიეცა.
#TeamLeBron gets the W!!! #NBAAllStar pic.twitter.com/hKa0xffsQL
— 2020 NBA All-Star (@NBAAllStar) February 17, 2020
დევისმა პირველი ტყორცნა, როგორც მატჩის შემდეგ თავად განაცხადა, განზრახ გააფუჭა, მეორე კი დამაჯერებლად ჩააგდო და ლებრონის გუნდს გამარჯვება მოუტანა
AD WINS IT ???? #NBAAllStar pic.twitter.com/cGUa67anJt
— NBA on TNT (@NBAonTNT) February 17, 2020
მატჩის MVP-ს რაც შეეხება, კობი ბრაიანტის სახელობის ჯილდო კავაი ლეონარდს გადაეცა, რომელმაც შეხვედრა 30 ქულით, 7 მოხსნითა და 4 შედეგიანი გადაცემით დაასრულა
Kawhi takes home the first-ever Kobe Bryant MVP Award! ???????? #NBAAllStar pic.twitter.com/cGPQqGPBb2
— NBA on TNT (@NBAonTNT) February 17, 2020
ლეონარდის გარდა 23 ქულით ლებრონ ჯეიმსი გამოირჩა. ენტონი დევისმა 20 ქულასთან ერთად 9 მოხსნა დააგროვა. კრის პოლმა კი 23 ქულა ჩააგდო.
„გრიკ ფრიკმა“ თავის გუნდს 25 ქულით ულიდერა. კემბა უოკერმა თავი 23 ქულას მოუყარა. ჯოელ ემბიდმა ორმაგი დუბლი გაიფორმა - 22 ქულა და 10 მოხსნა, ხოლო რუდი გობერი 21 ქულასა და 11 მოხსნას დასჯერდა.
Dr. Dre delivers an epic tribute to Kobe Bryant.
— NBA on TNT (@NBAonTNT) February 16, 2020
???? @GibsonHazard | @Jackson_Bannon pic.twitter.com/o0Id018aEs
