ნიუკასლი 1:0 მანჩესტერ იუნაიტედი - სულშერის გუნდს გასავარდნ ზონასთან მხოლოდ 2 ქულა აშორებს
პრემიერლიგის მე-8 ტურში „მანჩესტერ იუნაიტედმა“ მორიგი მარცხი იწვნია. ოლე გუნარ სულშერის გუნდი „სენტ ჯეიმს პარკზე“ „ნიუკასლთან“ 0:1 დამარცხდა.
შეხვედრის ერთადერთი გოლი 72-ე წუთზე მეთიუ ლონგსტაფმა გაიტანა.
„წითელ ეშმაკებს“ საუკეთესო დროება ნამდვილად არ უდგათ. „მანკუნიანელებს“ გასავარდნ ზონასთან მხოლოდ 2 ქულა აშორებთ.
სულშერის გუნდმა ბოლო 3 ტურში მხოლოდ 1 ქულა აიღო. 8 ტურის შემდეგ „ოლდ ტრაფორდის“ ბინადრები 9 ქულით მე-12 ადგილზე იმყოფებიან.
მე-9 ტურში „ოცნებათა თეატრს“ ბრწყინვალე ფორმაში მყოფი „ლივერპული“ ეწვევა, რომელსაც ამ მომენტისთვის ქულათა მაქსიმუმი აქვს და „სიტის“ 8 ქულით უსწრებს.