L'Equipe: "პსჟ" გასაოცარი თანხის სანაცვლოდ ნეიმარის გამოსასყიდად მზადაა!
სენსაციურ ცნობას ავრცელებს ფრანგული გამოცემა L'Equipe, რომლის მტკიცებითაც "პსჟ"-ს ფულიანი ბატონები ბრაზილიელი სუპერვარსკვლავის, ნეიმარის შესაძენად ძალ-ღონეს (მათი ძალ-ღონე რაცაა ყველას კარგად მოეხსენება) არ იშურებენ და არანორმალური თანხის გადახდას აპირებენ.
არც მეტი, არც ნაკლები 193 მილიონი ევრო - ასეთი იქნება ფრანგების შეთავაზება! ვერაფერს იტყვი, თვით "ბარსელონასთვისაც" კი დამაფიქრებელი წინადადებაა და ვნახოთ როგორ განვითარდება მოვლენები, როდესაც პარიზელები აღნიშნულ თანხას კატალონიელებს ოფიციალურად შესთავაზებენ.