ოფიციალურად გრიზმანი ''ატლეტიკოს'' ტოვებს! ''ახალი გამოწვევების დროა"
საფეხბურთო კლუბ მადრიდის ''ატლეტიკოს'' ანტუან გრიზმანი ტოვებს. ფრანგმა ფეხბურთელმა კლუბიდან წასვლის გადაწყვეტილება საჯაროდ დაადასტურა.
.@AntoGriezmann ha comunicado al club que no seguirá como rojiblanco la próxima temporada.
— Atlético de Madrid (@Atleti) May 14, 2019
გრიზმანი:''ჩოლოსთან და მიგელ ანხელთან საუბრის შემდეგ კლუბიდან წასვლის გადაწყვეტილება მივიღე. ქომაგებს, თანაგუნდელებს, ხალხს მინდა ვუთხრა, რომ კლუბს ვტოვებ, ახალი გამოწვევების დროა.
.@AntoGriezmann: "Han sido cinco años increíbles; muchas gracias por todo, os llevo en el corazón". pic.twitter.com/9XorY05u1T
— Atlético de Madrid (@Atleti) May 14, 2019
დიდი მადლობა ყველას სიყვარულისთვის, რომელიც თქვენგან მივიღე. აქ მოვიგე პირველი თასი კარიერაში, რასაც სხვა ტიტულების მოპოვება მოჰყვა. ეს საოცარი მომენტები არასდროს დამავიწყდება. თქვენ ჩემს გულში ხართ.''
BREAKING: Atletico forward Antoine Griezmann has told the Spanish club he will be leaving this summer
— Sky Sports News (@SkySportsNews) May 14, 2019
როგორც მოსალოდნელი იყო, უდიდესი ალბათობით გრიზმანი კარიერას "ბარსელონაში" გააგრძელებს. კატალონიელებს ფრანგის ტრანსფერი 120-125 მილიონი ევრო დაუჯდებათ.
28 წლის გრიზმანი 2014 წლიდან მადრიდის ''ატლეტიკოში'' ასპარეზობდა. მადრიდულ კლუბში გადასვლამდე ''სოსიედადის'' ღირსებას იცავდა.
მოქმედმა მსოფლიოს ჩემპიონმა 2014-18 წლებში ''ატლეტიკოსთან'' ერთად ევროპა ლიგა, ესპანეთის სუპერთასი და უეფას სუპერთასი მოიგო.
