ერერა ''წითელი ეშმაკებიდან'' პსჟ-ში მიდის
საფეხბურთო კლუბ ''მანჩესტერ იუნაიტედს'' ესპანელი ნახევარმცველი ანდერ ერერა ტოვებს. ფეხბურთელმა სოციალურ ქსელში ''წითელი ეშმაკებიდან'' წასვლის გადაწყვეტილება დაადასტურა.
"Playing for the greatest club in England has been a true honour"
— Sky Sports News (@SkySportsNews) May 11, 2019
Ander Herrera has confirmed he is leaving #MUFC at the end of the season
SkySports-ის ცნობით მოთამაშეს კლუბთან კონტრაქტი მიმდინარე სეზონის დასრულების შემდეგ ეწურება და სავარაუდოდ ერერა კარიერას პსჟ-ში გააგრძელებს.
2014 წელს ერერა ბილბაოს ''ატლეტიკიდან'' ''მანჩესტერ იუნაიტედში'' გადავიდა. მას შემდეგ ინგლისურ გრანდში 189 მატჩი ჩაატარა. ერერა კლუბთან ერთად ევროპა ლიგის, ინგლისის ასოციაციის თასისა და კარაბაოს თასის გამარჯვებული გახდა.
ერერა ''სარაგოსას'' საფეხბურთო სკოლის აღზრდილია, ესპანეთის ეროვნულ ნაკრებში კი მხოლოდ 2 მატჩი აქვს ჩატარებული.