შეუჩერებელი დონჩიჩი! სლოვენიელი NBA-ს ისტორიაში შევიდა!
როგორც ჩანს სლოვენიელი ლუკა დონჩიჩი გაჩერებას არ აპირებს და მისი შემჩერებელიც არსად ჩანს.
გამთენიისას "დალას მავერიკსი" "კლივლენდს" ესტუმრა და 111:98 დაამარცხა. დონჩიჩმა მორიგი ბრწყინვალე შეხვედრა ჩაატარა და რამდენიმე რეკორდზეც გაიწია.
ლუკამ მორიგი ორმაგი დუბლი გაიფორმა - 35 ქულა, 11 მოხსნა და 6 პასი.
ამ მაჩვენებლის შემდეგ სლოვენიელი ლიგის ისტორიაში გახდა მეექვსე კალათბურთელი, რომელმაც 2000 წლის შემდეგ 20 წლამდე ასაკში უკვე 1000 ქულა ჩააგდო.
დონჩიჩმა ამასთან ერთად კიდევ ერთი მნიშვნელოვანი შედეგი დააფიქსირა და ისტორიაში ჩაეწერა. ის გახდა მეორე მოთამაშე, რომელმაც 50 თამაშში 1000 ქულასთან ერთად 340 ოხსნა და 260 პასი დააგროვა.
With his first bucket in Cleveland, @luka7doncic becomes the 2nd player in NBA History with 1K points, 340 rebounds & 260 assists through 50 games! ???????????? pic.twitter.com/HRUCH1d2Qv
— Dallas Mavericks (@dallasmavs) February 3, 2019
აქვე გეტყვით, რომ ამ საოცარი თამაშის მიუხედავად ლუკა დონჩიჩი წლევანდე ოლს სტარზე არ აირჩიეს, თუმცა ეს მხოლოდ დროის საკითხია და სლოვენიელს ყველა ვარსკვლავის შეხვედრაში მომავალში არაერთხელ ვიხილავთ.
