ლეიკერსი 12.5 მილიარდ დოლარად იყიდება - სპორტული ფრენჩაიზის რეკორდული გარიგება
ლოს-ანჯელეს „ლეიკერსი“ ამერიკელ ბიზნესმენ ჯოშ კუშნერსა და ბობ აიგერს 12.5 მილიარდ დოლარად გადაეცემათ, რაც სპორტული ფრენჩაიზის გაყიდვის ისტორიაში სარეკორდო თანხაა. ინფორმაციას ESPN-ის წყაროები ავრცელებენ.
კუშნერი და აიგერი ლას-ვეგასში NBA-ს ახალი გუნდის დამატების პროცესშიც იყვნენ ჩართულები, თუმცა მოვლენები მოულოდნელად შეიცვალა - მათ ლას-ვეგასის პროექტის ნაცვლად „ლეიკერსის“ შეძენა გადაწყვიტეს და მოქმედ მფლობელ მარკ უოლტერს აგრესიული შეთავაზებით მიმართეს.
უოლტერმა „ლეიკერსის“ საკონტროლო პაკეტი გასულ წელს ბასების ოჯახიდან შეიძინა. ახლა კი, თუ გარიგება საბოლოოდ დასრულდება, ლოს-ანჯელესური კლუბის ახალი მფლობელები კუშნერი და აიგერი გახდებიან.
12.5 მილიარდი დოლარი აშშ-ის სპორტის ისტორიაში გუნდის შეძენისთვის გადახდილი ყველაზე დიდი თანხა იქნება.
შეგახსენებთ, რომ ლეიკერსის რიგებში სანდრო მამუკელაშვილი გახლავთ, რომელიც მომავალი სეზონიდან ლოს-ანჯელესური კლუბის წარმატებისთვის იბრძოლებს.
The Los Angeles Lakers are being sold to American businessman Josh Kushner and Bob Iger for a record breaking price over $12 billion, multiple sources told ESPN.
— Ramona Shelburne (@ramonashelburne) August 12, 2026
Kushner and Iger were involved in the expansion process in Las Vegas, but a stunning turn, they pivoted to make an…
