NBA-ის გასული ტურის მიმოხილვა
დენვერი - ტორონტო 95 – 86
გამთენიისას ნაციონალურ საკალათბურთო ასოციაციაში მორიგი მატჩები გაიმართა. ცენტრალური შეხვედრა კოლორადოში შედგა, სადაც „დენვერმა“ „ტორონტოს“ უმასპინძლა.
„ნაგეთსმა“ სასურველი შედეგის დაფიქსირება დაცვითი კალათბურტის ხარჯზე მოახერხა. ნიკოლა იოკიჩმა და კომპანიამ ბრწყინვალედ იასპარეზეს და მეტოქეს მხოლოდ და მხოლოდ 86 ქულა ჩააგდებინეს.
B ???? A ???? C ???? K
— Denver Nuggets (@nuggets) December 17, 2018
D ???? O ???? W ???? N pic.twitter.com/2QH4lJak5q
სერბი ცენტრი დიდი ხანია გუნდის უდავო ლიდერია და გამონაკლისი არც „რეპტორსთან“ მატჩი ყოფილა. იოკიჩმა აქტივში 26 ქულა, 9 მოხსნა და 4 შედეგიანი გადაცემა ჩაიწერა. ჯამალ მარიმ გუნდს 19 ქულა შესძინა. სათადარიგო სკამიდან შემოსული მონტე მორისი კი 12 ქულით გამოირჩა.
The man is heating up ???? pic.twitter.com/cAiTRWOgmN
— Denver Nuggets (@nuggets) December 17, 2018
„ტორონტოს“ 29 ქულითა და 14 მოხსნით კავაი ლეონარდმა ულიდერა. კაილ ლოურისა და პასკალ სიაკამის არყოფნაში ძირითად შემადგენლობაში დელონ რაითი და სი ჯეი მაილს გამოვიდნენ, თუმცა ღირებული ვერაფერი გააკეთეს და ჯამში 17 ქულა დააგროვეს.
The ????????G pic.twitter.com/LUIHIDGhdK
— Toronto Raptors (@Raptors) December 17, 2018
ვაშინგტონი - ლეიკერსი 128 – 110
„ვაშინგტონ უიზარდსმა“ ოთხმატჩიანი მოუგებელი სერია „ლეიკერსთან“ შეწყვიტა. „ჯადოქრებმა“ ლებრონის გუნდს პრობლემების გარეშე სძლიეს და წლევანდელ სეზონში მეთორმეტე გამარჯვება მოიპოვეს.
„უიზარდსს“ 40 ქულით ჯონ უოლმა ულიდერა. ბრედლი ბილმა აქტივში 25 ქულა ჩაიწერა. ჯეფ გრინი 20 ქულით გამოირჩა, სათადარიგო სკამიდან შემოსულმა სემ დეკერმა ასევე 20 ქულა დააგროვა.
????FULL HIGHLIGHTS ????
— Washington Wizards (@WashWizards) December 17, 2018
Started the week off right and picked up the home win over the Lakers. #WizLakers | #DCFamily pic.twitter.com/CBLiHidm2L
„ლეიკერსის“ რიგებში საუკეთესო კენტავიუს კალდუელ-პოუპი გახლდათ, რომელმაც გუნდს 25 ქულა შესძინა. ლებრონმა მატჩი 13 ქულით დაასრულა, კაილ კუზმამ კი 20 ქულა მიითვალა.
Chander's block starts the fastbreak and Svi powers through for an and-1!#LakeShow (????: @SpectrumSN) pic.twitter.com/9QxAy7jMya
— Los Angeles Lakers (@Lakers) December 16, 2018
სხვა მატჩების შედეგები
ბრუკლინი - ატლანტა 144 – 127
კლივლენდი - ფილადელფია 105 – 128
ინდიანა - ნიუ იორკი 110 – 99
დალასი - საკრამენტო 113 – 120
ნიუ ორლეანი - მაიამი 96 – 102
