ყველაფერი, რაც გუშინ მსოფლიო ჩემპიონატზე გამოგრჩათ
მსოფლიო ჩემპიონატის ჯგუფური ეტაპი დასასრულს უახლოვდება. გუშინ პირველი სუპერსენსაცია ვიხილეთ და სამხრეთ კორეასთან 2-0 მარცხის შემდეგ გერმანია მუნდიალს დაემშვიდობა. სამაგიეროდ სენსაციების გარეშე დასრულდა სერბეთისა და ბრაზილიის დაპირისპირება, „სელესაომ“ დამაჯერებელი გამარჯვება მოიპოვა და ჯგუფური ეტაპი პირველ ადგილზე დაასრულა. ბრაზილიასთან ერთად მერვედფინალში შვეიცარია იასპარეზებს.
სებასტიან ლარსონმა დე იონგს მიბაძა
მექსიკისა და შვედეთის მატჩში დაძაბულობა პირველივე წუთებიდან იგრძნობოდა. წარმატებისთვის ყველა ფეხბურთელი მაქსიმუმს აკეთებდა, მაგრამ სებასტიან ლარსონი განსაკუთრებული უხეშობით გამოირჩა. შვედი ფეხბურთელის მიერ მიღებული ჯარიმა დე იონგის ალონსოზე წესების დარღვევას ძალიან ჰგავდა. მიუხედავად იმისა, რომ მსაჯი იქვე იმყოფებოდა სებასტიანმა მხოლოდ ყვითელი ბარათი მიიღო.
ნეიმარი ჩვეულ სტიქიაშია
მსოფლიო ჩემპიონატზე ბევრი სიმულაცია ვიხილეთ, ამ კატეგორიაში განსაკუთრებით გამორჩეული ბრაზილიის ნაკრების ვარსკლავი, ნეიმარია. ამ უკანასკნელმა თავი გუშინდელ შეხვედრაშიც დაგვამახსოვრა. პაულინიოს მიერ გატანილ გოლამდე რამდენიმე წუთით ადრე ლიაიჩის ვარდნის შემდეგ, რომელიც არც ისე სახიფათო იყო, ნეიმარი რამდენჯერმე გადაკოტრიალდა და ისე გააფორმა თითქოს საშინელი ტრავმა მიიღო.
how many damn times did neymar roll LMFAOOOOOOOOOOOOOOOOO pic.twitter.com/7kEcWDGe0q
— Papi ???????????????? (@SeaBasss8) June 27, 2018
მიმზიდველი ბოატენგი
ჟერომ ბოატენგს შვედეთთან მიღებული წითელი ბარათის გამო სამხრეთ კორეასთან დაპირისპირების გამოტოვება მოუწია. „ბაიერნის“ მცველი საკუთარი ნაკრების თამაშს თვალს ტრიბუნებიდან ადევნებდა და არც თუ ისე ცუდად გამოიყურებოდა, მისმა სათვალემ და კეპმა მაყურებლების გულები დაიპყრეს.
მუნდიალზე გოლი ყველა ნაკრებმა გაიტანა
ოთხშაბათს გასამართ მატჩამდე კოსტა რიკა ერთადერთი გუნდი იყო, რომელსაც მსოფლიო ჩემპიონატზე გოლი არ ჰქონდა გატანილი. ფინალურ შეხვედრაში კოსტა რიკელებმა ნავსის გატეხვა მოახერხეს და ვასტონის გოლის წყალობით მუნდიალს ღირსეულად ტოვებენ. წლევანდელ მსოფლიო ჩემპიონატზე ოცდათორმეტივე ნაკრებმმა გაიტანა, მსგავსი რამ 2010 წლის შემდეგ არ დაფიქსირებულა.
VAR-ის კრიტიკა გრძელდება
შვედეთი-მექსიკის დაპირისპირებისას კიდევ ერთი უცნაური მომენტი ვიხილეთ. „ჩიჩარიტოს“ საკუთარ საჯარიმოში ბურთი ხელზე მოხვდა, თუმცა შეხვედრის არბიტრმა თერთმეტმეტრიანი არ დანიშნა და გადაწყვეტილება არც ვიდეორეფერისთან კონსულტაციის შემდეგ შეცვალა.
დევიდ ჰასელჰოფი გერმანიის გულშემატკივარია
გუშინ იოახიმ ლიოვის გუნდს კრეატივი აკლდა, ვინ იცის, გერმანელებს „ტვიტერზე“ „ჰოფის“ მიმართვა რომ ენახათ, იქნებ ყველაფერი სხვანაირად წარმართულიყო. მატჩის წინ დევიდმა სოციალურ ქსელში ვიდეო გაავრცელა, სადაც გერმანელებს მებრძოლი ხასიათის მქონე გუნდი უწოდა და მათ ფინალში გასვლა უსურვა...
მატიჩი მუნდიალზეც მანჩესტერზე ფიქრობს
ოთხშაბათს ნემანია მატიჩის ყურადღება ბრაზილიასთან მატჩისკენ იყო, თუმცა ნემანია არც საკუთარ კლუბს ივიწყებდა. როგორც აღმოჩნდა მატიჩი მატჩში სპეციალურად მისთვის დამზადებული, მანჩესტერის ლოგოს მქონე დამცავებით გამოვიდა.
