ეს ბიჭი დედისმტ***ელია, მაგრად იბრძოლა | სირილ განმა ჰოკიტი შეაქო

UFC 334-ზე მძიმე წონით კატეგორიაში სირილ განმა ჯოშ ჰოკიტი 5-რაუნდიან ბრძოლაში მსაჯთა ერთსულოვანი გადაწყვეტილებით დაამარცხა და ქამარი წარმატებით დაიცვა. სამივე მსაჯმა გამარჯვება სირილ განს მიაკუთვნა (49-47). 

გამარჯვების შემდეგ სირილ განმა ოქტაგონზე კომენტარი გააკეთა.

მეტოქეზე: „მან არ გამაოცა, მისი შესაძლებლობები უკვე ვიცოდი, მთელმა მსოფლიომ არ დააფასა, მაგრამ არა მე. ეს ბიჭი მომავალია, ძალიან მაგრად გამოვიდა და დღეს ტოპ-ხუთეულის მებრძოლია“.

გადამწყვეტ რაუნდებსა და დაღლილობაზე: „ძალიან მძიმე ბრძოლა იყო და მენტალურადაც რთული დასაწყები, მაგრამ ვაგრძელებდი წინსვლას, რადგან ძლიერი ვარ. როგორც კი ფოკუსი დავიჭირე, ჩემი კუთხისგან დიდი მხარდაჭერა ვიგრძენი, წინ წავედი — მე მებრძოლი ვარ“.

ჰოკიტის სტილის სირთულეზე: „100 პროცენტით, ეს ბიჭი დედისმტ***ელია, მაგრად იბრძოლა!“

36 წლის სირილ განმა კარიერაში მე-18 ბრძოლა გამართა: 15 გამარჯვება (7 ნოკაუტით), 2 მარცხი, ერთი ბრძოლის შედეგი გაბათილდა.