მანქანა შეუჩერებელია - მერაბის გამარჯვება პირველივე რაუნდში
აბუ-დაბიში ამერიკული თავისუფალი ჭიდაობის ორგანიზაცია RAF-ის მორიგ ღონისძიებაზე მერაბ დვალიშვილი 38 წლის ბრაზილიელ მარლონ მორაესს დაუპირისპირდა.
პირველივე წამებზე მორაესმა ორი ქულა აიღო, თუმცა შემდეგ დვალიშვილმა ბრძოლა პირველივე რაუნდში ლამაზი სუფთა გდებით დაასრულა.
ეს დვალიშვილისთვის RAF-ში მეოთხე ორთაბრძოლა იყო. დებიუტი „მანქანას“ მაისში ფრენკი ედგართან ჰქონდა, რომელსაც მერაბმა 12:1 მოუგო. შემდეგ იყო თბილისში გამართულ ღონისძიებაზე გამარჯვება ჰენრი სეხუდოსთან, აგვისტოში კი სეხუდომ მერაბთან რევანშის აღება შეძლო. ამგვარად, დვალიშვილის ანგარიშზე RAF-ში 3 მოგება და 1 მარცხია.
აღსანიშნავია, რომ 2021 წელს დვალიშვილი და მორაესი ერთმანეთს UFC-ში დაუპირისპირდნენ. მაშინ „მანქანამ“ ბრაზილიელ მეტოქეს მეორე რაუნდში ტექნიკური ნოკაუტით მოუგო.
კომენტარები
იყავით პირველი, ვინც დაწერს კომენტარს