უსმანი და მისი გუნდის წევრები 12 საათზე მეტია პატიმრობაში იმყოფებიან

უსმან ნურმაგომედოვი და მისი გუნდის წევრები, რომლებიც აბუ-დაბიში მერაბ დვალიშვილსა და საბა ლაზიშვილს დაესხნენ თავს, ამ დრომდე დაკავებულები არიან.

რუსული სააგენტო TASS-ი წყაროზე დაყრდნობით წერს, რომ ისინი ძალადობის მუხლით არიან დაკავებულები და უკვე 12 საათზე მეტია საპატიმროში იმყოფებიან.

პარალელურად, ცოტა ხნის წინ დაიწერა, რომ დაკავებულებს 1-წლამდე პატიმრობა და 3000 დოლარამდე ჯარიმა ემუქრებათ.

შეგახსენებთ, რომ ხაბიბის ბიძაშვილი, უსმან ნურმაგომედოვი თანმხლებ პირებთან ერთად მერაბ დვალიშვილსა და 21 წლის საბა ლაზიშვილს აბუ-დაბის ერთ-ერთ სასტუმროში დაესხნენ თავს. ქართველი „მაქნანა“ არაბთა გაერთიანებულ საამიროებში RAF-ში გასამართი საჭიდაო შეხვედრისთვის ემზადებოდა, რომელიც მიმდინარე კვირის უქმეებზე უნდა ჩაეტარებინა. ჯერჯერობით უცნობია, შედგება თუ არა მარლონ მორაესისა და მერაბის საჭიდაო დაპირისპირება.