მარცხი პირველივე შეხვედრაში - მაისურაძე მსოფლიო ჩემპიონატს გამოეთიშა
აზერბაიჯანის დედაქალაქ ბაქოში მიმდინარე ძიუდოს მსოფლიო ჩემპიონატზე დღეს ტატამიზე -90 კგ წონითი კატეგორიაში მოასპარეზე ლუკა მაისურაძე გავიდა.
მისი პირველი მეტოქე სერბი ბორის რუტოვიჩი იყო. სამწუხაროდ, მაისურაძე იუკოთი დამარცხდა და მსოფლიო ჩემპიონატს გამოეთიშა.
ამავე წონით კატეგორიაში დღეს ასპარეზობას აგრძელებს ლაშა ბექაური, ხოლო ქალების -70 კგ წონით კატეგორიაში საქართველოს ღირსებას ნინო გულბანი იცავს.
შეგახსენებთ, რომ მსოფლიო ჩემპიონატზე საქართველოს ნაკრებმა უკვე 3 მედალი მოიპოვა. ტატო გრიგალაშვილმა ოქროს მედალი, ეთერ ლიპარტელიანმა ვერცხლი, გიორგი სარდალაშვილმა კი ბრინჯაო მოიგო.
