წონა ჩაბარებულია | გიგა ჭიკაძე ოქტაგონში ბრუნდება
UFC 331-ის მებრძოლებმა წონები ჩააბარეს. ღონისძიების მთავარი მოვლენა ჯოშუა ვენისა და ალეშანდრე პანტოჟას სატიტულო დაპირისპირებაა და ორივე მათგანმა საჩემპიონო წონა დააფიქსირა — 125 ფუნტი (56.6 კილოგრამი).
UFC 331-ის თანამთავარ მოვლენაში არმან ცარუკიანი მაურისიო რუფის შეხვდება. ცარუკიანი ბრაზილიელზე ოდნავ მეტს იწონის. არმანმა 156 ფუნტი (70.7 კილოგრამი) დააფიქსირა, ხოლო რუფიმ — 155 ფუნტი (70.3 კილოგრამი).
მოახლოებულ ღონისძიებაზე ქართველ მებრძოლსაც ვიხილავთ. გიგა ჭიკაძე ჟოანდერსონ ბრიტოს წინააღმდეგ გაარკვევს საუკეთესოს ვინაობას. „ნინძამ“ წონა წარმატებით ჩააბარა — 146 ფუნტი (66.2 კილოგრამი), ბრიტო 145.5 ფუნტს (65.9 კილოგრამს) იწონის.
Giga Chikadze da el peso en 146 libras ????#CryptoCom #UFC331 | Sáb. 19 de Sep. | En vivo por Paramount+ pic.twitter.com/aDgu4JhjJM
— UFC Español (@UFCEspanol) September 18, 2026
ცნობისთვის, ჭიკაძეს ზედიზედ სამი წაგება აქვს და არნოლდ ალენთან, დავიდ ონამასთან და კევინ ვალეხოსთან დამარცხდა. გიგას ბოლო გამარჯვება 2023 წლის აგვისტოთი თარიღდება, როდესაც ალექს კასერესს აჯობა.
