გიორგი მამარდაშვილი
Aa
Aa

ლივერპულმა 2:0-დან წააგო - მამარდამ 3 ბურთი აიღო, მაგრამ 4 გაუშვა

წინასასეზონო მოსამზადებელი ეტაპის მორიგ ამხანაგურ მატჩში გიორგი მამარდაშვილის „ლივერპული“ ჩიკაგოში „ლიდს იუნაიტედს“ დაუპირისპირდა და 2:4 დამარცხდა.

გიორგი მამარდაშვილი ამჯერადაც სასტარტო შემადგენლობაში იყო და შეუცვლელად ითამაშა. ქართველმა მეკარემ 3 ბურთის მოგერიება შეძლო, მაგრამ გოლების ეპიზოდში ვერაფერი მოახერხა.

მამარდას სეივები:

საგულისხმოა, რომ „ლივერპულმა“ პირველი ნახევარი ჩემბერსისა და ფლორიან ვირცის გოლებით 2:0 მოიგო, თუმცა მეორე ტაიმში „ლიდსისგან“ 4 უპასუხო გოლი გაუშვა. უნდა აღინიშნოს, რომ არც ერთ გოლში მამარდაშვილს ბრალი არ მიუძღვის და ქართველი მეკარე ოთხივე გოლის ეპიზოდში უშანსოდ იყო. „ლივერპულის“ კარში 2 გოლი კალვერტ ლუინმა, თითო-თითო გოლი კი აარონსონმა და ლონგსტაფმა გაიტანეს.

ამ მატჩის შემდეგ ენდონი ირაოლას გუნდმა ამერიკული ტურნე დაასრულა და სამშობლოში დაბრუნდება. ახალ სეზონამდე „ლივერპული“ ენფილდზე სამ ამხანაგურ შეხვედრას გამართავს - 9 აგვისტოს „მონაკოსთან“, 16 აგვისტოს კი „კომოსთან“ ორი სატესტო მატჩია ჩანიშნული. „მერსისაიდელები“ პრემიერ ლიგის ახალ სეზონს 23 აგვისტოს, „ნიუკასლთან“ გასვლითი მატჩით დაიწყებენ.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    გაგუას საგოლე გადაცემა - დუნაისკამ მეორე მატჩიც მოიგო
    გაგუას საგოლე გადაცემა - დუნაისკამ მეორე მატჩიც მოიგო