ჩიმაევის ღირსეული გამოხმაურება თოფურიას მარცხზე

ბევრისგან განსხვავებით, ილია თოფურიას მარცხზე ხამზატ ჩიმაევის გამოხმაურება ადეკვატური და ღირსეული იყო. „ელ მატადორმა” მსუბუქ წონაში UFC-ის საჩემპიონო ქამარი ჯასტინ გეიჯისთან მე-4 რაუნდში ტექნიკური ნოკაუტის შემდეგ დაკარგა.

ჩიმაევმა, რომელიც თავის დროზე თოფურიასთან ერთად შვედეთში ვარჯიშობდა და „ელ მატადორის“ გუნდთან კონტაქტს ინარჩუნებს, პირიქით, დაგმო ისინი, ვინც ესპანურ-ქართველი მებრძოლის მარცხის გამო საჯაროდ გამოხატა სიხარული.

„ისინი, ვინც სხვების მარცხით ხარობენ, ამ სპორტში დიდებას ვერასდროს მიაღწევენ“,

- დაწერა „ბორზმა“ და თავისი პოსტი მახაჩევის შემდეგ მალევე გამოაქვეყნა, რომელმაც ილიას დაცინვის შანსი ხელიდან არ გაუშვა.

„ვინც თავს აიმაღლებს, დამდაბლდება! ამ თამაშს თავისი დონეები აქვს! გილოცავ, ჯასტინ, შენ ამ ქამარს ყველაზე მეტად იმსახურებ!

კარიერის ყველაზე დიდ ბრძოლაში დანებება - ამის გაკეთება ყველას არ შეუძლია. ნამდვილი ლეგენდა“,

- დასძინა UFC-ის ქვესაშუალო წონის ჩემპიონმა, რითაც შეახსენა ის მეტსახელი, რომელიც თოფურიამ საკუთარ თავს თავადვე შეარქვა.

მსუბუქწონოსნების სატიტულო ბრძოლა, რომელიც თეთრ სახლთან გამართულ UFC Freedom 250-ის ტურნირს აგვირგვინებდა, მეოთხე რაუნდის შემდეგ ილია თოფურიას კუთხემ შეაჩერა. მათ ჩათვალეს, რომ მებრძოლმა ისეთი ზიანი მიიღო, რაც ორთაბრძოლის გაგრძელების საშუალებას არ აძლევდა.