„ხვალ საღამოს ამერიკული ოცნებით ვიცხოვრებთ“ - აწონვების ცერემონია და ბოლო Face-off

თეთრ სახლში, UFC Freedom 250-ის აწონვების ცერემონია მებრძოლების ბოლო პირისპირ დგომი გაიმართა, სადაც მთავარი ყურადღება ბუნებრივია, ილია თოფურიასა და ჯასტინ გეიჯის ჩხუბზე იყო გამახვილებული.

ბრძოლამდე, ილია თოფურიასა და ჯასტინ გეიჯის ერთმანეთთან ბოლო Face-off ჰქონდათ, რის შემდეგაც ბოლო კომენტარებიც გააკეთეს.

ჯასტინ გეიჯი:

ზუსტად ამისთვის დავიბადე. ბედნიერი ვარ, რომ აქ ვიმყოფები და ხვალ საღამოს მას სულს ამოვხდი. თავად ნახავთ.

ილია თოფურია:

ბავშვობიდან ყოველთვის მესმოდა ფრაზა „ამერიკული ოცნება“ და ბოლომდე არასდროს მესმოდა მისი მნიშვნელობა, მაგრამ ხვალ საღამოს ჩვენ ამერიკული ოცნებით ვიცხოვრებთ. მოვიპოვებ კიდევ ერთ გამარჯვებას და გავხდები 18-0. ამ გამარჯვებას ძალიან შთამბეჭდავად მოვიპოვებ. ხვალამდე, მეგობრებო. წავედით.

შეგახსენებთ, რომ ილია თოფურიასა და ჯასტინ გეიჯის საჩემპიონო ჩხუბი თეთრ სახლში ორშაბათს, 15 ივნისს, საქართველოს დროით 06:00 საათიდან გაიმართება.