წიტაიშვილმა შეუცვლელად ითამაშა, აბუაშვილი 2026-ში პირველად გამოჩნდა - მეცის მორიგი მარცხი

საფრანგეთის ლიგა 1-ის მე-18 ტურში, გიორგი წიტაიშვილისა და გიორგი აბუაშვილის „მეცი“ სტუმრად „სტრასბურგს“ დაუპირისპირდა და დაძაბულ ბრძოლაში დამარცხდა.

ქართველებიდან, გიორგი წიტაიშვილი სასტარტო შემადგენლობაში იყო და ბოლომდე შეუცვლელად ითამაშა, გიორგი აბუაშვილი კი მოედანზე 72-ე წუთიდან გამოჩნდა, როდესაც ანგარიში უკვე 2:1 იყო, თუმცა ქართველმა შემტევმა მატჩის სცენარის შეცვლა ვერ შეძლო. საგოლე მომენტები არ ჰქონდა არც წიტაიშვილს. საბოლოოდ, ქართველების სტატისტიკა ასეთი იყო:

გიორგი წიტაიშვილი - ბურთთან 50 შეხება, 26-დან 22 ზუსტი პასი (85%), 1 საკვანძო პასი, კარისკენ 0 დარტყმა, 6-დან 1 წარმატებული დრიბლინგი, 7-დან 1 მოგებული ორთაბრძოლა, 1 განმუხტვა. Sofascore-ს შეფასება - 6.1.

გიორგი აბუაშვილი - ბურთთან 12 შეხება, 8-დან 8 ზუსტი პასი, 1-დან 1 ზუსტი პასი, ბურთის ერთხელ დაბრუნება, 0 დარტყმა. Sofascore-ს შეფასება - 6.4.

რაც შეეხება შეხვედრის მიმდინარეობას, ანგარიში მე-12 წუთზე „სტრასბურგმა“ მორეირას გოლით გახსნა, 24-ე წუთზე კი „მეცმა“ წონასწორობა ჰეინის ზუსტადშესრულებული პენალტით აღადგინა. გამარჯვების გოლი კი 42-ე წუთზე, გოდომ გაიტანა.

გიორგი წიტაიშვილიმა მიმდინარე სეზონში „მეცის“ მაისურით ლიგა 1-ში მე-18 მატჩი ჩაატარა, 2 გოლი გაიტანა და 1 საგოლე გადაცემა შეასრულა. რაც შეეხება გიორგი აბუაშვილს, 22 წლის შემტევი 2026 წელს მოედანზე პირველად გამოჩნდა, საერთო ჯამში კი ეს მისთვის ლიგა 1-ის მიმდინარე სეზონში მე-12 იყო, მის ანგარიშზე კი მხოლოდ 1 გოლია.

18 ტურის შემდეგ, „მეცს“ ლიგა 1-ის სატურნირო ცხრილში 12 ქულა აქვს და კვლავ ბოლო, მე-18 ადგილზე იმყოფება. ქართველების კლუბს გასავარდნი ზონიდან თავის დაღწევამდე 4 ქულა აშორებს. „მეცი“ მომდევნო შეხვედრას 25 იანვარს, საკუთარ მოედანზე „ლიონის“ წინააღმდეგ გამართავს. მატჩი საქართველოს დროით 20:15 საათზე დაიწყება.