956 გოლი კარიერაში - რონალდუმ ალ ოხდუდს დუბლი შეუსრულა
საუდის პრო ლიგის მორიგ ტურში ალ ნასრიმ ალ ოხდუდს უმასპინძლა და მარტივად 3:0 დაამარცხა.
დიდებული მატჩი ჰქონდა კრიშტიანუ რონალდუს. ლეგენდარულმა პორტუგალიელმა დუბლი შეასრულა და კარიერაში 956 გოლი დაუგროვდა.
ანგარში 31-ე წუთზე სწორედ კრიშტიანუმ გახსნა. პირველი ტაიმის მსაჯის მიერ კომპენსირებულ დროში რონალდუმ მეორე გოლიც გაიტანა.
66-ე წუთზე ვეტერანმა თავდამსხმელმა ჰეთ-თრიკი შეასრულა, თუმცა მისი გოლი ვიდეო რეფერის გადამოწმების შემდეგ, გაუქმდა. ალ ოხდუდს მესამე გოლი 94-ე წუთზე ჟოაუ ფელიქსმა გაუტანა.
შეგახსენებთ, რომ ამ გამარჯვების შემდეგ, ალ ნასრის 30 ქულა დაუგროვდა - 10 მატჩი და 10 გამარჯვება - ასეთია არაბული კლუბის შედეგი. ალ ნასრი ჩემპიონატს უდანაკარგოდ, 30 ქულით ლიდერობს.
