ბექაურის ოქრო გრანდ-სლემზე | ფინალში ლატისევი იპონით დაამარცხა
აბუ-დაბის გრანდ-სლემის ფინალში ლაშა ბექაურმა მოლდოველი მიჰაილ ლატისევი იპონით დაამარცხა.
რაც შეეხება ფინალამდე განვლილ გზას, ნიდერლანდელ მარკუს ვან დაიკს დამატებით დროში იპონით სძლია. რუსი ეგორ ანდონი ვაზარით დაამარცხა. მეოთხეფინალში სერბეთის სახელით გამოსულ ისლამ სოგენოვს ვაზარით აჯობა. ნახევარფინალში სამხრეთკორეელ ჯონგჰონ კიმს იუკოთი მოუგო.
ირაკლი დემეტრაშვილი ბრინჯაოს მედლისთვის იბრძოლებს. მისი მეტოქე აზერბაიჯანელი ჯამალ გამზატხანოვი იქნება. მეოთხედფინალში დემეტრაშვილმა უშანგი კოკაურს დამატებით დროში ვაზარით მოუგო და ნახევარფინალში გავიდა, სადაც მონღოლ გონჩისგურენ ბახტუიაგთან ავასატე-იპონით დამარცხდა.
