“მეტს არ ვიმსახურებდით“ - ენრიკე მონაკოსთან მარცხის შემდეგ

საფრანგეთის ლიგა 1-ის მორიგ ტურში პარი სენ ჟერმენი მონაკოს ესტუმრა და მძიმე ბრძოლაში 0:1 დამარცხდა.

მატჩის დასრულების შემდეგ, ფრანგული გრანდის მთავარმა მწვრთნელმა ლუის ენრიკემ კომენტარი გააკეთა.

ენრიკე:

„ჩემთვის ყველაზე მნიშვნელოვანი, რაც ამ მატჩს განსაზღვრავს არის ის, რომ ბევრი შეცდომა დავუშვით. როდესაც ამ დონის ფეხბურთელებთან ასე თამაშობ, ვფიქრობ, მეტს არ ვიმსახურებდით. ჩემს ფეხბურთელებს მატჩის შემდეგ არასდროს ვესაუბრები.

ახლა საუბრის დრო არ არის. თამაში უნდა გავაანალიზო და ვფიქრობ, ახლა ეს ადვილი იქნება. იყო ბევრი უზუსტობა და ინდივიდუალური შეცდომა. ორივე გუნდმა სცადა თავისი ფეხბურთის თამაში, მაგრამ დღეს ჩვენ მოგება არ დაგვიმსახურებია.“

ცნობისთვის, ხვიჩა კვარაცხელია ლუის ენრიკემ მოედნიდან 76-ე წუთზე გაიყვანა. ასევე გეტყვით, რომ იმ შემთხვევაში, თუ მიმდინარე ტურში მარსელი თავის მატჩს ტულუზას წინააღმდეგ მოიგებს, ლიგა 1-ის ლიდერი სწორედ დე ძერბის გუნდი გახდება.

კვარას მომენტები VS მონაკო