მამუკელაშვილის 13 ქულა - შარლოტმა ტორონტოს მოგებათა სერია შეწყვიტა

NBA-ს რეგულარული სეზონის მორიგ ტურში ტორონტო შარლოტს ესტუმრა და მძიმე ბრძოლაში 111:118 დამარცხდა.

კარგი მატჩი ქონდა სანდრო მამუკელაშვილს. ქართველმა კალათბურთელმა პარკეტზე 19 წუთი და 16 წამი დაყო.

ამ პერიოდის განმავლობაში მან 13 ქულას და 3 მოხსნას მოუყარა თავი. სანდრომ ორჯერ სცადა 3-ქულიანის ჩაგდება, მაგრამ ერთი გამოუვიდა. რვა 2-ქულიანიდან 4 ჩააგდო. ორი საჯარიმო ტყორცნიდან ორივე გამოიყენა.

3 მოხსნიდან 2 საკუთარ ფარზე შეასრულა, ერთი მეტოქის. მამუკელაშვილმა მხოლოდ ერთი პერსონალური ფოლი მიიღო.

რეპტორსიდან საუკეთესო ბარნსი იყო, რომელმაც არასრულ 40 წუთში 30 ქულა, 12 მოხსნა და 5 პასი დააგროვა.

ცნობისთვის, ამ მატჩის შემდეგ, ტორონტო აღმოსავლეთ კონფერენციაში მეორე ადგილს იკავებს. შემდეგ ტურში, რეპტორსი სტუმრად ნიუ-იორკს დაუპირისპირდება.