გვანცა ზადიშვილი ტაილანდის მსოფლიო თასის გამარჯვებულია | პარაფარიკაობა
ტაილანდის ქალაქ კორაში პარაფარიკაობის მსოფლიოს თასი მიმდინარეობს. ტურნირის პირველ დღეს ხმლით ფარიკაობაში პარამოფარიკავე ქალთა ნაკრებმა სამი - ერთი ოქროს, ერთი ვერცხლისა და ერთი ბრინჯაოს მედალი მოიპოვა.
ფინალში ერთმანეთს გვანცა ზადიშვილი და ნინა თიბილაშვილი შეხვდნენ. შეხვედრა ანგარიშით 15:13 დასრულდა. ჩემპიონობა გვანცა ზადიშვილმა იზეიმა, ვიცე-ჩემპიონი ნინა თიბილაშვილი გახდა.
რაც შეეხება ირმა ხეცურიანს, მან მესამე ადგილისთვის შეხვედრაში გერმანელი ჰატერსი ანგარიშით 15:7 დაამარცხა და ბრინჯაოს მედლის პრიზიორი გახდა.
