7 კანდიდატი - ვინ შეცვლის არნე სლოტს ლივერპულში?
„რეალის“ მწვრთნელი ჩაბი ალონსო ბრიტანელი ბუკმეიკერების ფავორიტია - ვინ შეცვლის არნე სლოტს? ეს კითხვა დღითიდღე სულ უფრო მკაფიოდ ისმის.
„ლივერპულმა“ ბოლო 12 მატჩიდან 9 წააგო - ეს 1954 წლის შემდეგ პირველად მოხდა და როგორც ბრიტანული პრესა წერს, სლოტს მაქსიმუმ ერთი 7-10 დღე აქვს, რომ სიტუაცია გამოასწოროს, წინააღმდეგ შემთხვევაში მისი დათხოვნა გარდაუვალი გახდება.
რაც შეეხება ჩაბი ალონსოს, „რეალში“ საქმეები კარგად არც მას მისდის და ამ ყველაფერს ვინისიუსთან კონფლიქტიც ემატება. თუ, მადრიდელთა სათამაშო ხარისხი არ გამოსწორდება, ფლორენტინო პერესი მას უეჭველად დაითხოვს.
ბრიტანეთში თვლიან, რომ ალონსოს კანდიდატურა ამჟამად ნომერ პირველია, თუმცა სიაში ის ერთადერთი არ არის.
„მერსისაიდელები“ განიხილავენ იურგენ კლოპის დროებით დაბრუნების შესაძლებლობას. გერმანელი სპეციალისტი გუნდს სეზონის ბოლომდე ჩაიბარებს, რომ კრიზისული სიტუაცია დაძლიოს, შემდეგ კი სადავეებს ახალ მწვრთნელს გადასცემს.
უფრო ხანგრძლივი ვადით კი ჩაბი ალონსოსთან ერთად ლუის ენრიკეს ვარიანტსაც განიხილავენ, თუმცა პსჟ-დან მისი წამოყვანა ურთულესი ამოცანაა.
კოეფიციენტები - ლივერპულის შემდეგი მწვრთნელი ბუკმეიკერების ვერსიით:
ჩაბი ალონსო - 3.50
იურგენ კლოპი - 4.00
ოლივერ გლასნერი - 7.00
ანდონი ირაოლა - 7.00
სიმონე ინძაგი - 9.00
სტივენ ჯერარდი - 11.00
ზინედინ ზიდანი - 11.00
