ალონსო: “ლაპორტას განცხადებები? კარგად ვიცით, რომ ეს პოპულისტურია“

ლა ლიგის მორიგ ტურში მადრიდის რეალი ჟირონას ესტუმრება. სამეფო კლუბის დაცვაში პრობლემებია, გუნდი ძალიან ბევრ გოლს უშვებს. მატჩამდე 1 დღით ადრე, ჩაბი ალონსომ ჟურნალისტებთან ისაუბრა.

ალონსო:

„ვიცით, რომ გასვლით მატჩში გამარჯვების განცდის დაბრუნება გვჭირდება. ბოლო თამაშებში ყველაფერი ცუდად წავიდა. ბევრი რამ უნდა გავაუმჯობესოთ. კარგად ვიცი ლაპორტას პოპულისტური გზავნილების შესახებ, მაგრამ ამაზე არ ვფიქროთ. ჩვენ ახლა ჟირონასთან მატჩზე ვართ ორიენტირებული.

რამდენიმე ძალიან კარგი პერიოდი გვქონდა. ვფიქრობ, სრულყოფილი, უწყვეტი და დომინანტური თამაში გვჭირდება. გპირდებით, დაცვის პრობლემები მოგვარდება. ზოგიერთი რამით კმაყოფილი არ ვარ, განსაკუთრებით გაშვებული გოლების დროს დაშვებული შეცდომებით. კარგი ამბავი ის არის, რომ რუდიგერი და მილიტაო დაბრუნდნენ.“

შეგახსენებთ, რომ სამეფო კლუბმა ბოლო 4 მატჩიდან 3 ვერ მოიგო. მარცხი ლივერპულთან, ფრე რაიო ვალეკანოსთან და ელჩესთან. რეალისა და ჟირონას დაპირისპირება 30 ნოემბრით თარიღდება და თბილისის დროით 23:55-დან დაიწყება.