„ახლა მათი თვითრწმენა ყველაზე დაბალ დონეზეა“ - ჯერარდი ლივერპულზე
„ლივერპულის“ ლეგენდარულმა ნახევარმცველმა სტივენ ჯერარდმა, თავის ყოფილ გუნდში არსებულ კრიზისზე ისაუბრა.
„წითლები“ ჩემპიონთა ლიგაზე პსვ-სთან „ენფილდზე“ 1:4 დამარცხდნენ. 27 სექტემბრიდან მოყოლებული, არნე სლოტის გუნდმა 12 მატჩიდან 9 წააგო, ეს კი 1954 წლის შემდეგ პირველად მოხდა.
„ყოველი მარცხი, განსაკუთრებით კი ასეთი, კრიზისს აახლოებს. მე არ მომწონს ეს სიტყვა, რადგან ჩემთვის კრიზისი არის, როდესაც კლუბს ერთი წელი სჭირდება იმისთვის, რომ მწვერვალზე დაბრუნდეს, და არ მგონია, რომ „ლივერპული“ ამ ეტაპზე იყოს.
მათ ჯერ კიდევ ჰყავთ დიდებული ფეხბურთელები, და მათ უმეტესობას ჩემპიონატი აქვს მოგებული. ასე რომ, ვფიქრობ, სიტყვა „კრიზისი“ ზედმეტად ხმამაღალია. მაგრამ ის, რაც ახლა აქვთ, არ არის საკმარისი. ამ საფეხბურთო კლუბში ამას გამართლება არ აქვს. ეს ყველამ იცის.
მაგრამ კრიზისი ძალიან ძლიერი სიტყვაა და ის ზოგიერთი ფეხბურთელის მიმართ უპატივცემულობაა, რომლებმაც ამ კლუბში წარმატებას მიაღწიეს, და მწვრთნელის მიმართაც, ვინც ეს შეძლო. თუ ეს მოხდებოდა ნახევარი წლის ან ერთი წლის შემდეგ, მაშინ, ასეთი სიტყვის გამოყენება შეიძლება.
არ შეიძლება იმის უარყოფა, რომ ეს გუნდი სერიოზულ პრობლემებს განიცდის, ისინი საშინელ ფორმაში არიან, მათი თვითრწმენა ახლა ყველაზე დაბალ დონეზეა, და ლივერპული ვარდნას განაგრძობს.
ისინი აგრძელებენ გოლების გაშვებას, ზედმეტად გახსნილები არიან. თუ მწვრთნელი გამოსავალს ვერ იპოვის და გუნდს ვერ დაასტაბილურებს, ისინი იგივენაირად გააგრძელებენ თამაშს,“
– განუცხადა ჯერარდმა TNT Sports-ს.
