ბითაძის 4 ქულა - ორლანდომ დეტროიტს მოუგო
ეროვნული საკალათბურთო ასოციაციის მორიგ შეხვედრაში „ორლანდომ“ სტუმრად „დეტროიტი“ 3-ქულიანი სხვაობით, 112:109 დაამარცხა. „მეჯიქის“ ქართველმა ლეგიონერმა გოგა ბითაძემ კი შედარებით ნაკლები სათამაშო დრო 14 წუთი მიიღო და ნაკლებად შედეგიანი თამაში ჰქონდა.
გოგამ საერთო ჯამში 4 ქულა, 3 მოხსნა, 1 ჩაჭრა და 1 დაფარება დააგროვა. მან ორიდან ორი ორქულიანი ჩააგდო, საჯარიმოს ხაზიდან და პერიმეტრიდან კი არც ერთი სროლა არ ჰქონია. ბითაძეს ბურთი არც ერთხელ არ დაუკარგავს, სამივე მოხსნა თავდასხმაში შეასრულა და ოთხი პერსონალური ჯარიმა მიიღო.
12 მოგებითა და 8 წაგებით „ორლანდო“ NBA-ს სატურნირო ცხრილში მეხუთე ადგილზეა. მომდევნო შეხვედრას გოგა ბითაძე და მისი თანაგუნდელები საკუთარ სტადიონზე „ჩიკაგო ბულსთან“ გამართავენ, რომელიც 2 დეკემბერს, თბილისის დროით 04:30 წუთზე დაიწყება.
