ალექსანდრეს მეორე გამარჯვება - ელ კონკისტადორმა ალმახანს მოუგო
ალექსანდრე თოფურიამ UFC-ში თავისი მეორე ბრძოლა მოიგო. კატარის დედაქალაქ დოჰაში გამართულ Fight Night-ზე სუპერმსუბუქ წონით დივიზიონში მებრძოლი „ელ კონკისტადორი“ ყაზახ ბეკზატ ალმახანს შეხვდა და მსაჯთა ერთსულოვანი გადაწყვეტილებით იმარჯვა - 30-27, 30-27, 29-28.
პირველი რაუნდი ყაზახი მებრძოლის აქტიურობით დაიწყო, თუმცა ალექსანდრემ ალმახანის ზეწოლას გაუძლო და მეორე-მესამე რაუნდებში მეტოქეზე უკეთ გამოიყურებოდა.
შეგახსენებთ, რომ ილია თოფურიას უფროს ძმას ყველაზე პრესტიჟულ პრომოუშენში დებიუტი მიმდინარე წლის თებერვალში ჰქონდა, როცა ავსტრალიელ კოლბი თიქნესს მსაჯთა ერთსულოვანი გადაწყვეტილებით მოუგო. „ელ კონკისტადორის“ ანგარიშზე MMA-ში უკვე 7 მოგება და 1 მარცხია.
