გლადბახი, ბუდუ ზივზივაძე, ჰაიდენჰაიმი
Aa
Aa

ჰაიდენჰაიმმა გლადბახთან წააგო - ბუდუს საგოლე მომენტი არ ჰქონია

ბუნდესლიგის მე-11 ტურში ბუდუ ზივზივაძის „ჰაიდენჰაიმმა“ საკუთარ კედლებში „გლადბახი“ მიიღო და 0:3 დამარცხდა. შესაბამისად, ბუნდესლიგაში ბუდუს გუნდის მოუგებელი სერია უკვე 6 მატჩამდე გაგრძელდა.

პირველი ტაიმის ბოლოს სტუმრებმა პენალტი გამოიმუშავეს, რომელიც ზუსტად კევინ დიქსმა შეასრულა. 55-ე წუთზე ჰარის ტაბაკოვიჩმა „გლადბახის“ უპირატესობა ორამდე გაზარდა, 76-ე წუთზე კი შუტო მაჩინომ „ჰაიდენჰაიმის“ კარში მესამე გოლი გაიტანა.

ქართველი ფორვარდი სათადარიგოთა სკამზე იყო და თამაშში 62-ე წუთზე ჩაერთო, თუმცა რეალური საგოლე მომენტი არ ჰქონია. ბუდუმ Sofascore-ისგან 6,5-იანი შეფასება დაიმსახურა, მისი სტატისტიკა კი ასეთი იყო: 10 შეხება ბურთთან, 2 დაკარგული ბურთი, 1 ჩაჭრა, 4-დან 4 ზუსტი პასი (100%), 1 დაბლოკილი დარტყმა, 1 წაგებული ორთაბრძოლა და 1 წაგებული საჰაერო ორთაბრძოლა.

11 ტურის შემდეგ „ჰაიდენჰაიმი“ 5 ქულით სატურნირო ცხრილის ბოლო ადგილზეა. მომდევნო მატჩს ზივზივაძის გუნდი 29 ნოემბერს სტუმრად, „უნიონ ბერლინის“ წინააღმდეგ გამართავს.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    ბომბარდირობა ბოლო ტურში დაკარგა - ყაზაიშვილმა დუბლით დაასრულა
    ბომბარდირობა ბოლო ტურში დაკარგა - ყაზაიშვილმა დუბლით დაასრულა