„შეგიძლიათ გიჟად ჩამთვალოთ“ - ჰოლოუეის პროგნოზი მახაჩევი-მადალენას ბრძოლაზე

ნახევრადმსუბუქ წონაში UFC-ის ყოფილი ჩემპიონი და BMF ტიტულის მფლობელი, მაქს ჰოლოვეი, არ აპირებს ჯეკ დელა მადალენას შეუფასებლობას, რომელიც ამ კვირას ნახევრადსაშუალო წონის ქამრის დასაცავად ისლამ მახაჩევის წინააღმდეგ გამოვა.

„ჩამთვალეთ გიჟად, მაგრამ ამ ბრძოლაში ჯეკზე ვდებ ფსონს. ვფიქრობ, პირველი ორი რაუნდი ძალიან კონკურენტუნარიანი იქნება და ვნახავთ, როგორ განვითარდება მოვლენები. ვფიქრობ, რომ ჯეკის თეიქდაუნებისგან დაცვა, მისი ანტი-ჭიდაობა, წარმოუდგენელი იქნება. ის შეძლებს დაიცვას თავი მრავალი გადაყვანისგან და ისლამს დაღლის.

ჯეკის გაბარიტები ისლამისთვის ზედმეტი იქნება. ვიცი, რომ ისლამი დიდ ბიჭებთან ვარჯიშობს – ხაბიბი დიდი ბიჭია, და ბევრი ამბობს, რომ ისლამი არ იღლება, მაგრამ ბრძოლებში ეს შესამჩნევია. ის უბრალოდ არ იღლებოდა ისე ძლიერად, როგორც ის, ვინც მას უპირისპირდებოდა. ვფიქრობ, ჯეკი გამოვა, დაუპირისპირდება მის ჭიდაობას, და ისლამი დაღლას დაიწყებს.

ჯეკი მას დაღლის, და საბოლოოდ მის ხელს აწევენ – შესაძლოა, ეს ტექნიკური ნოკაუტი იქნება მესამე რაუნდში. ჯეკის გამარჯვებისკენ ვიხრები, რადგან მას შეუძლია დგომში უბრალოდ დაგცხრილოთ. მისი სიზუსტე წარმოუდგენელია, ის მუდმივად ახვედრებს და ზუსტად ურტყამს მიზანში. მის წინააღმდეგ ფსონის დადება ძნელია.

მე არ ვაკნინებ ისლამს. ის მხეცია. ის მონსტრია. მე უბრალოდ ძალიან ვარ აღფრთოვანებული ამ ბრძოლით. ვფიქრობ, რომ ანტი-ჭიდაობა უზარმაზარ როლს ითამაშებს. ჯეკის წნეხიც მნიშვნელოვანი ფაქტორი გახდება, და ვფიქრობ, რომ ჯეკი იპოვის ისლამის ნიკაპს. როდესაც ხალხი ისლამის ნიკაპს პოულობს, როდესაც  ურტყამენ, ჩანს, რომ ეს მისთვის საკმაოდ მგრძნობიარეა“,

– თქვა ამერიკელმა თავისი YouTube არხის ვიდეოში.