„თუ თეთრ სახლში ქართველი რუსს ეჩხუბება...“ – რას ამბობს ხაბიბ ნურმაგომედოვი

UFC-ის მსუბუქი წონის ყოფილმა ჩემპიონმა, ხაბიბ ნურმაგომედოვმა, რომელიც ამჟამად ისლამ მახაჩევსა და უმარ ნურმაგომედოვს წვრთნის, მომდევნო წლის ივნისში ვაშინგტონში, თეთრ სახლში დაგეგმილ UFC-ის ღონისძიებაზე ისაუბრა.

რას ამბობს „არწივი“:

„თუ თეთრი სახლის ღონისძიებაზე ვსაუბრობთ, იქ ამერიკელმა მებრძოლებმა უნდა იჩხუბონ - ეს უფრო საინტერესო იქნებოდა. თუ თეთრი სახლის ეზოში ქართველი რუსს ეჩხუბება [იგულისხმება ილია თოფურიას და ისლამ მახაჩევის შესაძლო ბრძოლა], ეს არ იქნება საინტერესო. ჩემი აზრით, ამ ქარდზე ამერიკელმა მებრძოლებმა სხვა ქვეყნების წარმომადგენლებთან უნდა იჩხუბონ“.

როდის გაიმართება UFC-ის ღონისძიება თეთრი სახლის ეზოში, ჯერჯერობით ოფიციალურად უცნობია, თუმცა, დიდი ალბათობით, ეს 14 ივნისს მოხდება, როდესაც ამერიკის მოქმედ პრეზიდენტ დონალდ ტრამპს 80 წელი შეუსრულდება.

აქვე გეტყვით, რომ ამჟამად UFC-ში მხოლოდ ორი ამერიკელი ჩემპიონია - კაილა ჰარისონი (სუპერმსუბუქი წონითი დივიზიონი) და მაკენზი დერნი (მინიმალური წონითი დივიზიონი).

რამდენიმე დღეში ისლამ მახაჩევი ქვესაშუალო წონაში სადებიუტო ბრძოლას ჩაატარებს - მისი მეტოქე ამ წონის მოქმედი ჩემპიონი ჯეკ დელა მადალენა იქნება, რომელიც ტიტულს პირველად დაიცავს. მახაჩევმა განაცხადა, რომ თუ ჩემპიონი გახდება, ქამარს პირველად კამარუ უსმანთან დაიცავს.