შერმადინის 14 ქულა - ტენერიფემ ჩემპიონთა ლიგაზე მეორე მატჩიც მოიგო
საკალათბურთო ჩემპიონთა ლიგის მეორე ტურში ლაგუნა ტენერიფემ ბნეი ჰერჟლიას უმასპინძლა და 108:85 გაანადგურა.
როგორც ყოველთვის, გიორგი შერმადინი ძირითად შემადგენლობაში მოგვევლინა და ნაყოფიერი მატჩიც ჰქონდა.
ქართველმა კალათბურთელმა პარკეტზე 16 წუთი და 21 წამი გაატარა. ამ პერიოდის განმავლობაში მან 14 ქულას, 6 მოხსნას და 1 შედეგიან გადაცემას მოუყარა თავი.
შერმადინმა მატჩის მიმდინარეობისას 9-ჯერ სცადა 2-ქულიანის ჩაგდება და ზუსტი 5 აღმოჩნდა. 4 საჯარიმო ტყორცნიდან 4-ვე ჩააგდო.
6 მოხსნიდან 2 საკუთარ ფარზე შეასრულა, ოთხი მეტოქის. გიორგიმ 2 პერსონალური ფოლი მიიღო.
ცნობისთვის, 2 ტურის შემდეგ, ტენერიფეს ორი გამარჯვება აქვს და ჯგუფის ლიდერი გახლავთ. შემდეგ ტურში შერმადინის გუნდი ტოფასს ესტუმრება. აღნიშნული დაპირისპირება 28 ოქტომბრით თარიღდება და თბილისის დროით 21:00-დან დაიწყება.
. @BasketballCL | J2
— La Laguna Tenerife (@CB1939Canarias) October 14, 2025
La Laguna Tenerife supera con claridad al Bnei Herzliya, tras un gran trabajo colectivo (108-85)
Estadísticas oficiales y fotos de la BCL ???? https://t.co/YTacpr4RlQ pic.twitter.com/Z6ByDyBZJ3
