ბასილაშვილი მეოთხედფინალშია - მაკდონალდს ორ სეტში მოუგო
ნიკოლოზ ბასილაშვილმა ჩენდუს 250-ქულიანი ტურნირის მეორე ეტაპზე ამერიკელი მაკკენზი მაკდონალდი ორ სეტში დაამარცხა.
პირველ სეტში ქართველმა ჩოგბურთელმა ზედიზედ 4 გეიმი მოიგო და საბოლოო ჯამში 6:2 იმარჯვა, ხოლო მეორე სეტში საქმე ტაიბრეიქამდე მივიდა - 7:6.
მომდევნო წრეში ბასილაშვილის მეტოქე იტალიელი ლორენცო მუზეტი (9) იქნება, რომელმაც სამ სეტში ხორვატ დინო პრიზმიჩს მოუგო. აღსანიშნავია, რომ იტალიელი ტურნირზე 1-ელ ნომრად არის განთესილი.
აქვე შეგახსენებთ, რომ ბასილაშვილმა ჩენდუს ტურნირის კვალიფიკაციაში ორი მეტოქე დაამარცხა, პირველ წრეში კი ბრიტანელ ბილი ჰარისს აჯობა.
